മ​സ്ക​ത്ത് : ബോ​ർ​ഡി​ങ് പാ​സ് ന​ൽകി​യിട്ടും യാ​ത്ര​ക്കാ​ര​നെ കൂ​ട്ടാ​തെ മ​സ്ക​ത്തി​ൽ​നി​ന്ന് എ​യ​ർ ഇ​ന്ത്യ എ​ക്സ്പ്ര​സ് പ​റ​ന്നുയർന്നു. ജീവനക്കാരുടെ നി​രു​ത്ത​ര​വാ​ദ​പ​ര​മാ​യ പെ​രു​മാ​റ്റ​ത്തി​ന് ഇ​ര​യാ​യ​ത് ക​ണ്ണൂ​ർ‌ മു​ഴ​പ്പി​ല​ങ്ങാ​ട് സ്വ​ദേ​ശി​യാ​ണ്.

ന​വം​ബ​ർ 29ന് ​ഉ​ച്ച​ക്ക് 12.30നാണ് സംഭവം. ​ക​ണ്ണൂ​രി​ലേ​ക്കു​ള്ള വി​മാ​ന​ത്തി​നാണ് ഇയാൾ ടി​ക്ക​റ്റെ​ടു​ത്ത​ത്. ഇയാൾ കൃ​ത്യ​സ​മ​യ​ത്തി​ന് മു​മ്പു​ത​ന്നെ മ​ത്ര​യി​ൽനി​ന്ന് മ​സ്ക​ത്ത് വി​മാ​ന​ത്താ​വ​ള​ത്തി​ൽ എ​ത്തി​യി​രു​ന്നു. ബോ​ർ​ഡി​ങ് പാ​സ് ന​ൽകി​യ ശേ​ഷം നി​ശ്ചി​ത സ​മ​യ​ത്തി​ലും അ​ര​മ​ണി​ക്കൂ​ർ‌ ക​ഴി​ഞ്ഞേ വി​മാ​നം പു​റ​പ്പെ​ടു​ക​യു​ള്ളൂ എ​ന്ന് അ​റി​യി​പ്പ് ല​ഭി​ച്ചതിനേ തുടർന്ന് പ്രാ​ഥ​മി​ക കാ​ര്യ​ങ്ങ​ൾക്കും മ​റ്റു​മാ​യി ലോ​ഞ്ചി​ന​ക​ത്ത് ത​ന്നെ​യു​ള്ള പ്രാ​ർ​ഥ​നാ മു​റി​യി​ൽ പോ​യി വി​ശ്ര​മി​ച്ച് തി​രി​ച്ചു​വ​ന്ന് ഗേ​റ്റി​ന് സ​മീ​പം കാ​ത്തി​രി​ക്കു​ക​യാ​യി​രു​ന്നു.

എന്നാൽപ​റ​ഞ്ഞ സ​മ​യം ക​ഴി​ഞ്ഞും അ​നൗ​ൺ​സ്മെ​ൻറോ അ​ന്വേ​ഷ​ണ​മോ കാ​ണാ​ത്ത​തി​നാ​ൽ കൗ​ണ്ട​റി​ൽ ചോ​ദി​ച്ച​പ്പോ​ഴാ​ണ് വി​മാ​നം പ​റ​ന്ന വി​വ​രം അ​റി​യു​ന്ന​ത്. ഇ​ദ്ദേ​ഹ​മ​ട​ക്കം അ​ഞ്ചു​പേ​രാ​ണ്‌ അ​വ​സാ​ന​മാ​യി ക​യ​റാ​നു​ണ്ടാ​യി​രു​ന്ന​ത്. നാ​ലം​ഗ കു​ടും​ബ​ത്തി​ലെ ചെ​റി​യ കു​ട്ടി​യെക്കൂടി കൂ​ട്ട​ത്തി​ൽ അ​ഞ്ചാ​യി എ​ണ്ണി​യ​താ​ണ് എ​യ​ർ ഇ​ന്ത്യ അ​ധി​കൃ​ത​ർക്ക് പ​റ്റി​യ പി​ശ​ക്.

ത​ങ്ങ​ൾക്ക് പ​റ്റി​യ തെ​റ്റ് ആ​ദ്യം സ​മ്മ​തി​ക്കാ​ൻ കൂ​ട്ടാ​ക്കാ​തി​രു​ന്ന അ​ധി​കൃ​ത​ർ രാ​ത്രി 2.30നു​ള്ള വി​മാ​ന​ത്തി​ൽ പു​തി​യ ടി​ക്ക​റ്റെ​ടു​ത്ത് പോ​കാ​നാ​ണ് നി​ർ​ദേ​ശി​ച്ച​ത്‌.

ത​ൻറെ കൈ​യി​ൽ പ​ണം അ​വ​ശേ​ഷി​ക്കു​ന്നി​ല്ലെ​ന്നും ബോ​ർ​ഡി​ങ് പാ​സ് ത​ന്ന യാ​ത്ര​ക്കാ​ര​നെ ഒ​ഴി​വാ​ക്കി വി​മാ​നം പോ​യ​ത് ഏ​ത് കാ​ര​ണ​ത്താ​ലാ​ണെ​ന്നും ചോ​ദി​ച്ച​പ്പോ​ൾ പി​റ്റേ​ന്ന് വെ​ളു​പ്പി​ന് 2.50ന് ​കോ​ഴി​ക്കോ​ട്ടേ​ക്കു​ള്ള യാ​ത്രാ​പാ​സ് ന​ൽകു​ക​യാ​യി​രു​ന്നു.

യാ​ത്ര മു​ട​ങ്ങി​യ സ​മ​യ​ത്തെ ഒ​രു നേ​ര​ത്തെ ഭ​ക്ഷ​ണം മാ​ത്രം ന​ൽകി​യി​രു​ന്നു​വെ​ങ്കി​ലും രാ​ത്രി ക​ഴി​ച്ച ഭ​ക്ഷ​ണ​ത്തി​ന് പ​ണം ഈ​ടാ​ക്കി​യെ​ന്ന് യാ​ത്ര​ക്കാ​ര​ൻറെ മ​ത്ര​യി​ലു​ള്ള മ​ക​ൻ അ​റി​യി​ച്ചു. മ​ക​ൻറെ വി​വാ​ഹ ഒ​രു​ക്ക​ങ്ങ​ൾക്കാ​യി നാ​ട്ടി​ലേ​ക്ക് പു​റ​പ്പെ​ട്ട യാ​ത്ര​ക്കാ​ര​നാ​ണ് ദു​ര​നു​ഭ​വം ഉ​ണ്ടാ​യ​ത്.