മൂവാറ്റുപുഴ: മൂവാറ്റുപുഴ കെ.എസ്.ആർ.ടി.സി ബസ് സ്റ്റാൻ്റിന് സമീപമുള്ള ലോഡ്ജിൽ യുവാവിനെ മരിച്ച നിലയിൽ കണ്ടെത്തി.A young man was found dead in a lodge near Muvattupuzha KSRTC bus stand.
ഇടുക്കി കൊന്നത്തടി പണിക്കന്‍കുടി കുത്തേട്ട് കരുണാകരന്റെ മകന്‍ കിഷോര്‍ കെ.കെ(33) ആണ് മരിച്ചത്.
രണ്ടു ദിവസം മുമ്പാണ് ഇയാൾ വീടുവിട്ടിറങ്ങിയത്. പിന്നീട് കിഷോറിനെ പറ്റി വിവരമില്ലാതായതോടെ ബന്ധുക്കൾ പോലീസിൽ പരാതി നൽകുകയായിരുന്നു.
അതേ സമയം മൂവാറ്റുപുഴ കെഎസ്ആര്‍ടിസി ബസ് സ്റ്റാന്‍ഡിന് സമീപമുള്ള ലോഡ്ജില്‍ രണ്ടുദിവസം മുന്‍പാണ് ഇയാൾ മുറിയെടുത്തത്.
വന്നതിനു ശേഷം മുറിയിൽ കയറിയ ഇയാൾ പിന്നീട് പുറത്തിറങ്ങിയിട്ടില്ല. സംശയം തോന്നിയ ലോഡ്ജ് ജീവനക്കാർ മുറി തുറന്നു നോക്കിയപ്പോഴാണ് മൃതദേഹം കണ്ടത്.
തുടർന്ന് ലോഡ്ജ് ജീവനക്കാർ മൂവാറ്റുപുഴ പോലീസിൽ വിവരമറിയിക്കുകയായിരുന്നു. ലോഡ്ജിൽ നൽകിയിരുന്ന മേൽവിലാസത്തിൽ നിന്നാണ് മരിച്ചത് കിഷോറാണെന്ന് തിരിച്ചറിഞ്ഞത്. ആത്മഹത്യയാണെന്നാണ് പ്രാഥമിക വിവരം.
