തമിഴ്‌നാട്ടിൽ നിന്നും കുമളി ചെക്കപോസ്റ്റ് വഴി കഞ്ചാവ് കടത്തുന്നതിനിടെ യുവാവ് കഞ്ചാവുമായി അറസ്റ്റിലായി. തമിഴ്‌നാട് കുംഭകോണം സ്വദേശി കവിയരസനാണ് എക്‌സൈസ് സംഘത്തിന്റെ പിടിയിലായത്. ഇയാളിൽ നിന്നും കഞ്ചാവ് അടങ്ങിയ പൊതി കണ്ടെടുത്തു. A young man was arrested while smuggling ganja through the border check post

ചെക്‌പോസ്റ്റ് വഴിയും സമാന്തരമായുള്ള ഊടുവഴികളിലൂടെയും തമിഴ്‌നാട്ടിൽ നിന്നും ലഹരി സംഘങ്ങൾ കേരളത്തിലേക്ക് കഞ്ചാവ് കടത്താറുണ്ട്. കമ്പം , തേനിഭാഗങ്ങളിൽ കുറഞ്ഞ വിലയ്ക്ക് ലഭിക്കുന്ന കഞ്ചാവ് അതിർത്തി കടത്തിയാൽ പലയരട്ടി വിലയ്ക്ക് വിൽക്കാം എന്നതാണ് യുവാക്കൾ ഉൾപ്പെടെയുള്ളവർ വ്യാപകമായി കേരളത്തിലേക്ക് കഞ്ചാവ് കടത്താൻ കാരണം.