തൃശൂർ: സുരേഷ് ഗോപിക്കുള്ള വഴിപാടായി ആറടി നീളമുള്ള ശൂലം കവിളിൽ തറച്ച് യുവാവ്. ചിയ്യാരം സ്വദേശി സന്തോഷാണ് ശൂലം കവിളിൽ തറച്ചത്. സ്വരാജ് റൗണ്ടിൽ മണികണ്ഠൻ ആലിനടുത്ത് മുരുകന്റെ ക്ഷേത്രത്തിലാണ് വഴിപാട് നടത്തിയത്.
എൽഡിഎഫിൻറെ വി എസ് സുനിൽ കുമാറിനെയും യുഡിഎഫിൻറെ കെ മുരളീധരനെയും തോൽപ്പിച്ചാണ് ബിജെപി പാർലമെൻറിലേക്ക് അക്കൌണ്ട് തുറന്നത്.
74,686 വോട്ടിൻറെ ഭൂരിപക്ഷവുമായാണ് സുരേഷ് ഗോപി തൃശൂരിൽ വിജയിച്ചത്. മന്ത്രിയാകുമോയെന്ന ചോദ്യത്തിന് അങ്ങനെ ചോദിക്കരുതെന്നും മന്ത്രിയാക്കുമോയെന്ന് ചോദിച്ചാൽ മതിയെന്നും അദ്ദേഹം പറഞ്ഞു. സിനിമ അഭിനയം തുടരുമെന്നും അദ്ദേഹം വ്യക്തമാക്കി.
