ഷിംല: ദാരിദ്രത്തിനെതിരെ പടക്കിറങ്ങി വിജയിക്കുകയും ഡോക്ടറാവുകയും ചെയ്ത പെൺകുട്ടി ഇന്ന് നാട്ടുകാർക്കും കുടുംബത്തിനും വിസ്മയമാവുകയാണ്. A girl who fought against poverty and became a doctor
ഹിമാചൽ പ്രദേശിലെ ധർമശാല- ഷിംലക്കടുത്ത മക്ലിയോഡ്ഗഞ്ചിലെ മാലിന്യക്കൂമ്പാരങ്ങളിൽ ഭക്ഷണം തിരഞ്ഞ ഓർമിക്കാനിഷ്ടമില്ലാത്ത ഭൂതകാലമുണ്ടായിരുന്നു പിങ്കി ഹരിയന്. 20 വർഷത്തിനിപ്പുറം അവൾ രോഗികളെ ശുശ്രൂഷിക്കാനിറങ്ങുന്ന ഡോക്ടറായിരിക്കയാണ്
കുട്ടിക്കാലത്ത്, മാതാപിതാക്കളോടൊപ്പം തെരുവില് ഭിക്ഷ യാചിക്കുകയും, ഭക്ഷണം തേടി മാലിന്യക്കൂമ്പാരം തെരയുകയും ചെയ്ത പെണ്കുട്ടി ഇപ്പോള് ഡോക്ടര്. മക്ലിയോദ്ഗഞ്ചിലെ മാലിന്യക്കൂമ്പാരങ്ങളില് ഭക്ഷണം തിരഞ്ഞ പിങ്കി ഹരിയനാണ് ഇരുപത് വര്ഷത്തിനു ശേഷം ഡോക്ടറായത്. ചൈനീസ് മെഡിക്കല് ബിരുദം നേടിയ ശേഷം ഇന്ത്യയില് വൈദ്യശാസ്ത്രം പ്രാക്ടീസ് ചെയ്യാന് ഒരുങ്ങുകയാണ്.
2004-ല് ടിബറ്റന് അഭയാര്ത്ഥി സന്യാസിയും ധര്മ്മശാല ആസ്ഥാനമായുള്ള ചാരിറ്റബിള് ട്രസ്റ്റിന്റെ ഡയറക്ടറുമായ ലോബ്സാങ് ജാംയാങ് ആണ് ഹരിയന് യാചിക്കുന്നത് കണ്ടത്. ദിവസങ്ങള്ക്ക് ശേഷം, ചരണ് ഖുദിലെ ചേരി ക്ലസ്റ്ററിലെത്തി പെണ്കുട്ടിയെ തിരിച്ചറിഞ്ഞു. തുടര്ന്ന് അവളുടെ മാതാപിതാക്കളെ, പ്രത്യേകിച്ച് അവളുടെ പിതാവ് കാശ്മീരി ലാലിനെ കണ്ട് കുട്ടിയെ വിദ്യാഭ്യാസം തുടരാന് അനുവദിക്കുക എന്ന കാര്യം ആവശ്യപ്പെട്ടു. മണിക്കൂറുകള് നീണ്ട അനുനയത്തിന് ശേഷമാണ് ലാല് സമ്മതിച്ചത്.
2004 ല് ചാരിറ്റബിള് ട്രസ്റ്റ് സ്ഥാപിച്ച നിര്ധനരായ കുട്ടികള്ക്കായി ഒരു ഹോസ്റ്റലിലെ ആദ്യ ബാച്ച് വിദ്യാര്ത്ഥികളില് ഒരാളായി ധര്മ്മശാലയിലെ ദയാനന്ദ് പബ്ലിക് സ്കൂളില് ഹരിയന് പ്രവേശനം നേടി. തുടക്കത്തില്, ഹരിയന് തന്റെ വീടും മാതാപിതാക്കളും നഷ്ടമായെങ്കിലും പഠനത്തില് ശ്രദ്ധ കേന്ദ്രീകരിച്ചു, അത് ദാരിദ്ര്യത്തില് നിന്നുള്ള ടിക്കറ്റാണെന്ന് അവള് തിരിച്ചറിഞ്ഞു.
സീനിയര് സെക്കണ്ടറി പരീക്ഷ പാസായ അവള് നാഷണല് എലിജിബിലിറ്റി കം എന്ട്രന്സ് ടെസ്റ്റും പാസായി. എന്നിരുന്നാലും, അമിത ഫീസ് കാരണം സ്വകാര്യ മെഡിക്കല് കോളേജുകളുടെ വാതിലുകള് അവള്ക്കായി അടഞ്ഞുകിടന്നു.
യുണൈറ്റഡ് കിംഗ്ഡത്തിലെ ടോങ്-ലെന് ചാരിറ്റബിള് ട്രസ്റ്റിന്റെ സഹായത്തോടെ, 2018 ല് ചൈനയിലെ ഒരു പ്രശസ്ത മെഡിക്കല് കോളേജില് പ്രവേശനം നേടി, എംബിബിഎസ് കോഴ്സ് പൂര്ത്തിയാക്കി അടുത്തിടെ ധര്മ്മശാലയില് തിരിച്ചെത്തി, ശ്രീവാസ്തവ പറഞ്ഞു.
20 വര്ഷത്തെ കാത്തിരിപ്പിനൊടുവില്, ദരിദ്രരെ സേവിക്കാനും അവര്ക്ക് മെച്ചപ്പെട്ട ജീവിതം നല്കാനും ശ്രമിക്കുന്ന ഒരു യോഗ്യതയുള്ള ഡോക്ടറാണ് ഹരിയന്. അവളില് നിന്ന് പ്രചോദനം ഉള്ക്കൊണ്ട് സഹോദരനും സഹോദരിയും ഒരു സ്കൂളില് ചേര്ന്നിരിക്കുകയാണ്.”
