അമ്പലപ്പുഴ: നീർക്കുന്നത് കൊപ്രാ വെളിച്ചെണ്ണ യൂണിറ്റില്‍ തീപിടിത്തം. ഏകദേശം രണ്ടര ലക്ഷം രൂപയുടെ നഷ്ടം ഉണ്ടായതായി കണക്കാക്കുന്നു. കൊച്ചുപുരയ്ക്കൽ രാജീവിന്റെ കൊപ്രാ വെളിച്ചെണ്ണ യൂണിറ്റിലാണ് തീപിടുത്തം ഉണ്ടായത്. A fire broke out at a copra coconut oil unit in Ambalapuzha
തകഴിയിൽ നിന്നും ആലപ്പുഴയിൽ നിന്നുമായി ഫയർ ഫോഴ്സ് റെസ്ക്യൂ ടീം എത്തിയാണ് തീയണച്ചത്. തീ പിടിത്തത്തെ തുടർന്ന് പ്രദേശത്ത് മണിക്കൂറുകളോളം പുക പടലം തങ്ങി നിന്നു. തൊട്ടടുത്ത സ്ഥാപനങ്ങളിലുള്ളവരേയും റൂമുകളിൽ താമസിച്ചിരുന്നവരേയും ഫയർഫോഴ്സുo പൊലീസും സുരക്ഷിത സ്ഥാനങ്ങളിലേയ്ക്ക് മാറ്റി.
ഓണക്കാലത്തേയ്ക്ക് ആവശ്യമായ തയ്യാറെടുപ്പുകൾ നടത്തുന്നതിനിടയിലാണ് തിപിടുത്തം സംഭവിച്ചത്. കൊപ്രാ ഉണക്കുന്നതിനുള്ള ഡ്രയറിന് ഷോർട്ട് സർക്യൂട്ട് സംഭവിച്ചതാണ് തീപിടുത്തത്തിന് കാരണം എന്നാണു കരുതുന്നത്.
