ഇടുക്കി ബഥേലിൽ കെട്ടിടം പണിക്കിടെ നിര്‍മാണ തൊഴിലാളി കെട്ടിടത്തില്‍ നിന്നും വീണുമരിച്ചു. കൊന്നത്തടി മുള്ളരിക്കുടി കൈലാസം അമ്പാട്ട് ബിനോയി വര്‍ക്കി (42)ആണ് മരിച്ചത്. ബുധനാഴ്ച രാവിലെ 8.30 നാണ് അപകടം. A construction worker died after falling from a building in Idukki

സ്‌കൂളിന്റെ നിര്‍മാണത്തിന് എത്തിയതായിരുന്നു ബിനോയ്. കോണ്‍ക്രീറ്റിങ്ങിനായി തലേദിവസം തകരം ഷീറ്റ് കെട്ടിടത്തിന് മുകളില്‍ ഇട്ടിരുന്നു. ഇതില്‍ ചവിട്ടിയ ബിനോയി രണ്ടു നില കെട്ടിടത്തില്‍ നിന്നും കാല്‍ വഴുതി നിലത്തു വീഴുകയായിരുന്നു എന്നാണ് പറയുന്നത്. വീഴ്ചയില്‍ തലയ്ക്ക് ഗുരുതരമായി പരിക്കേറ്റ ബിനോയിയെ ഉടന്‍ നെടുങ്കണ്ടം താലൂക്ക് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.