വഴിയരികിൽ ഉറങ്ങിക്കിടന്ന വയോധികയുടെ തലയിൽ കല്ലെടുത്തിട്ട് കൊലപ്പെടുത്തി. തമിഴ്നാട്ടിലെ വെല്ലൂർ ജില്ലയിലെ ഗുടിയാത്തം എന്ന സ്ഥലത്താണ് ദാരുണ സംഭവം ഉണ്ടായത്. രാജേന്ദ്രൻ എന്നയാളുടെ അരി വില്പന കടയിലെ ജീവനക്കാരിയായ ചിന്ത എന്ന 75 കാരിയാണ് കൊല്ലപ്പെട്ടത്.

സംഭവത്തെക്കുറിച്ച് പോലീസ് പറയുന്നത് :

ഞായറാഴ്ച പുലർച്ചയാണ് സംഭവം. അരി വില്പനശാലയിലെ ജീവനക്കാരും മറ്റുള്ളവരും റോഡരികിലെ കടത്തിണ്ണയിലാണ് കിടന്നുറങ്ങുന്നത്. പുലർച്ചെ മൂന്നരയോടെ സ്ഥലത്തെത്തിയ അക്രമി ആദ്യം സമീപത്ത് നിർത്തിയിട്ടിരുന്ന കാറ് എറിഞ്ഞു തകർത്തു. പിന്നീട് മറ്റൊരു കല്ലുമായി വൃദ്ധ കിടന്നുറങ്ങുന്ന കടത്തിണ്ണയിലെത്തി. യാതൊരു ഭാവഭേദവും ഇല്ലാതെ വൃദ്ധയുടെ തലയിലേക്ക് കല്ല് എടുത്തിട്ട് കൊലപ്പെടുത്തി. ശബ്ദം കേട്ട് ആളുകൾ ഉണർന്നതോടെ ആക്രമി ഓടിരക്ഷപ്പെട്ടു. സിസിടിവി ദൃശ്യങ്ങളിൽ നിന്നും പ്രദേശത്ത് അലഞ്ഞു തിരിയുന്ന യുവാവാണ് അക്രമി എന്ന് തിരിച്ചറിഞ്ഞിട്ടുണ്ട്. ഇയാൾക്ക് മാനസികാസ്വാസ്ഥ്യം ഉള്ളതായി സംശയിക്കുന്നു. പോലീസ് സ്ഥലത്തെത്തി വൃദ്ധയുടെ മൃതദേഹം സർക്കാർ ആശുപത്രിയിലേക്ക് പോസ്റ്റുമോർട്ടത്തിനായി മാറ്റിയിട്ടുണ്ട്. അക്രമം നടത്തിയ യുവാവിനായി തിരച്ചിൽ തുടരുകയാണ്.

Read Also; ഇനി സൈബർ തട്ടിപ്പുകളെ പേടിക്കേണ്ട; കേന്ദ്ര സർക്കാരിന്റെ ‘പ്രതിബിംബ്’; കണ്ടെത്തും എല്ലാ തട്ടിപ്പുകളും !