പാലക്കാട്: വല്ലപ്പുഴയിൽ 15കാരിയെ കാണാനില്ലെന്ന് പരാതി. അബ്ദുൾ ഷെറീഫിന്റെ മകൾ ഷഹന ഷെറിനെയാണ് കാണാതായത്. പട്ടാമ്പി പോലീസിൽ പരാതി നൽകിയതിനെ തുടർന്ന് പോലീസ് കേസ് എടുത്ത് അന്വേഷണം തുടങ്ങിയിട്ടുണ്ട്.
രാവിലെ ട്യൂഷന് പോയശേഷം ബന്ധുവീട്ടിൽനിന്നും പുസ്തകം എടുക്കാനുണ്ട് എന്ന് പറഞ്ഞാണ് പോയത്. വസ്ത്രം മാറിയ ശേഷമാണ് യാത്രയായത്. സ്കൂളിൽ കുട്ടി എത്തിയില്ലെന്ന് മനസിലാക്കിയാണ് ബന്ധുക്കൾ പോലീസിൽ പരാതി നൽകിയത്.
പട്ടാമ്പി റെയിൽവേ സ്റ്റേഷനിൽ എത്തിയത് ഈ കുട്ടിതന്നെ ആണെന്ന് സംശയമുണ്ട്. ട്രെയിനുകൾ കേന്ദ്രീകരിച്ചും സിസിടിവി ദൃശ്യങ്ങൾ ശേഖരിച്ചും പോലീസ് അന്വേഷണം പുരോഗമിക്കുകയാണ്.
