മലപ്പുറത്ത് കായികതാരത്തിന് ലഹരി മാഫിയയുടെ ക്രൂരമർദ്ദനം. സൈക്കിളിൽ പോകുമ്പോൾ എതിർദിശയിൽ തെറ്റായെത്തിയ ബൈക്ക് ഷാനിനെ ഇടിച്ചു തെറിപ്പിക്കുകയായിരുന്നു. ഇതിനുശേഷം ക്രൂരമായി മർദ്ദിക്കുകയും ചെയ്തു. മർദ്ദനത്തിൽ ഷാനിന്റെ കൈകാലുകൾ ഒടിഞ്ഞിട്ടുണ്ട്. പ്രത്യേക പ്രകോപനം ഒന്നുമില്ലാതെയാണ് പതിനാലുകാരനെ ക്രൂരമായി മർദ്ദിച്ചത്. കേരളത്തിനുവേണ്ടി ഒട്ടേറെ മെഡൽ നേടിയ കായിക താരമാണ് ഷാൻ. സംസ്ഥാന ദേശീയ തലങ്ങളിൽ കായിക മത്സരങ്ങളിൽ സമ്മാനം നേടിയിട്ടുണ്ട്.
രാവിലെ കളിക്കാനായി സൈക്കിളിൽ പോകുമ്പോൾ എതിർ ദിശയിൽ തെറ്റായെത്തിയ ബൈക്ക് ഷാനിനെ ഇടിച്ചുതെറിപ്പിക്കുകയായിരുന്നു. തെറിച്ചു വീണതിന് പിന്നാലെ ഈ സംഘം ഷാനിനെ മർദ്ദിക്കുകയായിരുന്നു. ഷാനിന്റെ ചെറുപ്പത്തിലെ പിതാവ് മരണപ്പെട്ടു. മാതാവ് ഷാഹിന ഒരു തുണിക്കടയിൽ ജോലി ചെയ്യുകയാണ്. നാട്ടുകാരുടെ പരാതിയെ തുടർന്നാണ് പോലീസ് കേസെടുത്തത്. കുട്ടിയും നാട്ടുകാരും നൽകിയ മൊഴിപ്രകാരം പ്രതികളെ കുറിച്ചുള്ള വ്യക്തമായ വിവരം ലഭിച്ചിട്ടുണ്ടെന്ന് പോലീസ് പറയുന്നു.
