ന്യൂഡൽഹി: രാജ്യവ്യാപക പണിമുടക്ക് നടത്താനൊരുങ്ങി ബാങ്ക് ജീവനക്കാര്. മാര്ച്ച് 24, 25 തീയതികളിലാണ് പണിമുടക്കിന് ആഹ്വാനം ചെയ്തിരിക്കുന്നത്. ഇന്ത്യന് ബാങ്ക്സ് അസോസിയേഷനുമായി നടത്തിയ ചര്ച്ചയില് തീരുമാനമാകാത്തതിനാല് മുന്നിശ്ചയിച്ച പ്രകാരം സമരം നടക്കുമെന്ന് യുണൈറ്റഡ് ഫോറം ഓഫ് ബാങ്ക് യൂണിയൻസ് വ്യക്തമാക്കി.
പണിമുടക്കിനെ തുടർന്ന് രാജ്യത്ത് നാല് ദിവസം തുടര്ച്ചയായി ബാങ്കുകള് അടഞ്ഞ് കിടക്കും. എല്ലാ തസ്തികയിലും ആവശ്യത്തിന് നിയമനം, താൽക്കാലിക ജീവനക്കാരുടെ സ്ഥിരപ്പെടുത്തൽ, ആഴ്ചയിൽ അഞ്ച് പ്രവൃത്തി ദിനം നടപ്പാക്കുക തുടങ്ങിയ ആവശ്യങ്ങൾ ഉന്നയിച്ചാണ് ജീവനക്കാർ സമരത്തിനൊരുങ്ങുന്നത്.
ഒരൊറ്റ സ്ഫോടനത്തിൽ രണ്ട് ഫ്ലാറ്റുകൾ നിലംപരിശാകും; കൊച്ചിയിൽ വീണ്ടും ഫ്ലാറ്റ് പൊളിക്കൽ
കൊച്ചി: വൈറ്റില സില്വര് സാന്ഡ് ഐലന്ഡിലെ ചന്ദര്കുഞ്ജ് ആര്മി ടവേഴ്സിലെ ബി, സി ടവറുകള് ആറ് മാസത്തിനുള്ളില് പൊളിച്ച് നീക്കണം. അപകടാവസ്ഥയിലായ ഫ്ലാറ്റുകള് സന്ദര്ശിച്ച വിദഗ്ധ സംഘത്തിന്റെതാണ് നിര്ദേശം. മരടിലെ ഫ്ലാറ്റ് പൊളിക്കാന് നേതൃത്വം നല്കിയ വിദഗ്ധരാണ് ഇവിടെയും പരിശോധനയ്ക്ക് എത്തിയത്.
ദുരന്തനിവരാണ വിഭാഗം ഡെപ്യൂട്ടി കലക്ടറുടെ മേല്നോട്ടത്തിലായിരുന്നു പരിശോധന നടന്നത്. ഫ്ലാറ്റിൻ്റെ അവശിഷ്ടങ്ങള് നീക്കം ചെയ്യല് ഉള്പ്പെടെ മുഴുവന് പൊളിക്കല് പ്രക്രിയയ്ക്കും കുറഞ്ഞത് 10 മാസമെടുക്കുമെന്ന് വിദഗ്ധര് പറഞ്ഞു.
