മിഹിര് നേരത്തെ പഠിച്ച സ്കൂളിലെ വൈസ് പ്രിന്സിപ്പല് ആണ് ബിനു അസീസ്
കൊച്ചി: ഫ്ളാറ്റിൽ നിന്നും ചാടി ഒമ്പതാം ക്ലാസ് വിദ്യാര്ഥി മിഹിര് അഹമ്മദ് ആത്മഹത്യ ചെയ്ത സംഭവത്തില് കൊച്ചിയിലെ ജെംസ് മോഡേണ് അക്കാദമി വൈസ് പ്രിന്സിപ്പലിനു സസ്പെൻഷൻ. വൈസ് പ്രിന്സിപ്പൽ ബിനു അസീസിനെയാണ് അന്വേഷണ വിധേയമായി സസ്പെന്ഡ് ചെയ്തത്. മിഹിര് നേരത്തെ പഠിച്ച സ്കൂളിലെ വൈസ് പ്രിന്സിപ്പല് ആണ് ബിനു അസീസ്.(Mihir’s death; against Gems Modern Academy Vice Principal)
ബിനു അസീസിനെ പ്രത്യേക അന്വേഷണ സംഘം ചോദ്യം ചെയ്തിരുന്നു. ഹില്പാലസ് പൊലീസ് ഇന്സ്പെക്ടര് എ എല് യേശുദാസിന്റെ നേതൃത്വത്തിലുള്ള പത്തംഗ സംഘമാണ് വൈസ് പ്രിന്സിപ്പലിനെ പൊലീസ് സ്റ്റേഷനിലേക്ക് വിളിച്ചുവരുത്തി ചോദ്യം ചെയ്തത്. മുൻപ് പഠിച്ച സ്കൂളിൽ മിഹിറിന് മാനസിക പീഡനം നേരിടേണ്ടി വന്നിരുന്നുവെന്ന് അമ്മ മുഖ്യമന്ത്രിക്കടക്കം പരാതി നൽകിയിരുന്നു.
കഴിഞ്ഞ മാസം പതിനഞ്ചിനാണ് ഗ്ലോബല് പബ്ലിക് സ്കൂളിലെ ഒമ്പതാം ക്ലാസ് വിദ്യാര്ഥിയും ഇരുമ്പനം സ്വദേശിയുമായ മിഹിര് അഹമ്മദ് താമസ സ്ഥലത്തെ ഫ്ലാറ്റിന്റെ 26-ാം നിലയില് നിന്ന് ചാടി മരിച്ചത്.
