എഗ്മോറില് കോണ്ക്രീറ്റ് ഡംബല് കൊണ്ട് അടിയേറ്റ യുവാവ് മരിച്ചു. സംഭവത്തിൽ സുഹൃത്തായ 16-കാരനെ അറസ്റ്റ് ചെയ്തു. എന്നാൽ പ്രായപൂര്ത്തിയാകാത്തതിനാല് ഒബ്സര്വേഷന് ഹോമിലേക്ക് മാറ്റിയിരിക്കുകയാണ്.16-year-old kills friend by hitting him on the head with a concrete dumbbell
ജോലിസ്ഥലത്തുണ്ടായ തർക്കത്തെ തുടർന്ന് 16-കാരന് ബിഹാര് സ്വദേശിയായ രാഹുല് കുമാറിന്റെ തലയ്ക്ക് ഡംബല് കൊണ്ട് അടിക്കുകയായിരുന്നു.
എഗ്മോറിലെ വീട്ടില് ജോലിക്ക് നില്ക്കുന്നവരാണ് ഇരുവരും. പ്രതിയായ 16-കാരനും ബിഹാറി സ്വദേശിയാണ്. മൂന്ന് ദിവസം മുമ്പ് ജോലിക്കിടെ ഇരുവരും തമ്മിൽ തര്ക്കമുണ്ടാവുകയായിരുന്നു.
തലയ്ക്കടിയേറ്റ രാഹുല് കുമാറിനെ ആശുപത്രിയില് പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു. എഗ്മോര് പോലീസ് ആണ് കേസ് രജിസ്റ്റര് ചെയ്ത് പ്രതിയെ അറസ്റ്റ് ചെയ്തത്.
