മുംബൈ: മന്ത്രിസ്ഥാനം ലഭിക്കാത്തതിൽ പ്രതിഷേധിച്ച് ശിവസേന ഏക്നാഥ് ഷിൻഡെ വിഭാഗം എംഎൽഎ പാർട്ടി വിട്ടു. ഭണ്ഡാര-പവാനി മണ്ഡലം എംഎൽഎ നരേന്ദ്ര ബോണ്ടേക്കർ ആണ് ശിവസേന വിട്ടത്. ഏക്നാഥ് ഷിൻഡയ്ക്ക് അദ്ദേഹം രാജിക്കത്തയച്ചു.
എന്നാൽ എംഎൽഎ സ്ഥാനം രാജിവച്ചിട്ടില്ലെന്നാണ്ശിവസേന പറയുന്നത്. മൂന്ന് തവണ എംഎൽഎയായ നരേന്ദ്രയ്ക്ക് മന്ത്രി സ്ഥാനം ലഭിക്കുമെന്ന് പാർട്ടി നേതൃത്വം അദ്ദേഹത്തെ അറിയിച്ചിരുന്നു. എന്നാൽ അവസാന നിമിഷം ഒഴിവാക്കുകയായിരുന്നു. ഇതേതുടർന്നാണ് പാർട്ടി വിടുന്നതായി പ്രഖ്യാപനം നടത്തിയത്.
ശിവസേന ഷിൻഡെ വിഭാഗം പ്രധാന നേതാവും വിദർഭ മേഖലയിലെ പാർട്ടി കോ-ഓർഡിനേറ്ററുമാണ് നരേന്ദ്ര ബോണ്ടേക്കർ. ഇന്നലെ നടത്തിയ മന്ത്രിസഭാ പുന സംഘടനയിൽ 39 പേർ മന്ത്രിമാരായി സത്യപ്രതിജ്ഞ ചെയ്തു.
