ചുവന്ന കിയ കാർ ഇടിച്ചു തെറിപ്പിച്ച് ഇന്നോവ; പാ​ല​ക്കാ​ട് – തൃ​ശൂ​ർ ദേ​ശീ​യ​പാ​ത​യി​ൽ സിനിമ സ്റ്റൈൽ കിഡ്നാപ്പിംഗ്; യു​വാ​വി​നെ ത​ട്ടി​ക്കൊ​ണ്ടു​പോ​യി

തൃ​ശൂ​ർ: തൃശൂരിൽ  കാ​റി​ൽ മ​റ്റൊ​രു വാ​ഹ​നം ഇ​ടി​പ്പി​ച്ചു നി​ർ​ത്തി യു​വാ​വി​നെ ത​ട്ടി​ക്കൊ​ണ്ടു​പോ​യ​താ​യി പ​രാ​തി. പാ​ല​ക്കാ​ട് – തൃ​ശൂ​ർ ദേ​ശീ​യ​പാ​ത​യി​ൽ നീ​ലി​പ്പാ​റ​യിലാണ് സംഭവം. കു​ഴ​ൽ​പ്പ​ണ സം​ഘ​ങ്ങ​ളാ​ണ് സം​ഭ​വ​ത്തി​ന് പി​ന്നി​ലെ​ന്നാ​ണ് സംശയം.

നാ​ട്ടു​കാ​ർ നൽകിയ വി​വ​രത്തിന്‍റെ അ​ടി​സ്ഥാ​ന​ത്തി​ൽ പോ​ലീ​സ് അ​ന്വേ​ഷ​ണം തുടങ്ങി. ആ​രെ​യാ​ണ് ത​ട്ടി​ക്കൊ​ണ്ടു​പോ​യ​തെ​ന്ന് വ്യ​ക്ത​മാ​യി​ട്ടി​ല്ല.

ചു​വ​പ്പ് കി​യ കാറിനെ പി​ന്തു​ട​ർ​ന്നെ​ത്തി​യ ഇ​ന്നോ​വ കാ​ർ പു​റ​കി​ൽ നി​ന്ന്  ഇ​ടി​ക്കു​ക​യാ​യി​രു​ന്നു എന്നാണ് നാട്ടുകാർ പറയുന്നത്. പി​ന്നീ​ട് കി​യ കാ​റി​ലെ യാ​ത്ര​ക്കാ​ര​നെ ബ​ല​മാ​യി വ​ലി​ച്ച് പു​റ​ത്തി​റ​ക്കി ഇ​ന്നോ​വ കാ​റി​ലേ​ക്ക് ക​യ​റ്റി വേഗത്തിൽ ഓടിച്ചു പോയി.

ആ​ദ്യം തൃ​ശൂ​ർ ഭാ​ഗ​ത്തേ​ക്ക് ആണ് പോ​യത്. പി​ന്നീ​ട്  കാ​ർ തി​രി​ച്ച് പാ​ല​ക്കാ​ട് ഭാ​ഗ​ത്തേ​ക്കും പോ​യി. മൂ​ന്ന് ഇ​ന്നോ​വ കാ​റു​ക​ൾ സം​ഘ​ത്തി​ലു​ണ്ടാ​യി​രു​ന്നു. ഇ​തി​ൽ ര​ണ്ട് ഇ​ന്നോ​വ കാ​റു​ക​ൾ ഗ്രേ ​നി​റ​ത്തി​ലും ഒ​രെ​ണ്ണം വെ​ള്ള നി​റ​ത്തി​ലു​മു​ള്ള​താ​ണ്.