55 പേരുടെ മരണത്തിനിടയാക്കിയ തമിഴ്നാട് കള്ളക്കുറിച്ചി വ്യാജമദ്യ ദുരന്തത്തിൻ്റെ പശ്ചാത്തലത്തിൽ കേരളത്തിലും ജാഗ്രതാ നിർദ്ദേശവുമായി എക്സൈസ് വകുപ്പ്. ഇതു സംബന്ധിച്ച എക്സൈസ് കമ്മിഷണർ സർക്കുലർ പുറത്തിറക്കി. (Excise Department issued strict vigilance in Kerala)

ചെക്പോസ്റ്റുകളിൽ ഉൾപ്പടെ കർശന പരിശോധന നടത്താനാണ് വിവിധ ഡിവിഷനുകളോട് നിർദ്ദേശം നൽകിയിരിക്കുന്നത്. ഇതിനായി കൂടുതൽ ജീവനക്കാർ ആവശ്യമെങ്കിൽ താൽക്കാലികമായി നിയോഗിക്കാവുന്നതാണ്. വ്യാജ മദ്യ കേസുകളിൽ മുമ്പ് ഉൾപ്പെട്ടിട്ടുള്ള പ്രതികളുടെ ഇപ്പോഴത്തെ പ്രവർത്തനം നിരീക്ഷിക്കണമെന്നും നിർദ്ദേശമുണ്ട്.

പാലക്കാട് നിന്നുള്ള കള്ളിന് പ്രത്യേകം പരിശോധന നടത്തണം. വ്യാജമദ്യ വിൽപ്പന നടക്കുന്നതായി സൂചനയുള്ള പ്രദേശങ്ങളിൽ നിരന്തരം പരിശോധന വേണം. ബാറുകളിലെയും ഷാപ്പുകളിലെയും സാംപിളുകൾ ശേഖരിച്ച് സംശയമുള്ളവ മേഖലാ മൊബൈൽ ലാബുകളിൽ പരിശോധനാ വിധേയമാക്കണം.

കൊല്ലം, മലപ്പുറം ജില്ലകളിൽ പ്രത്യേക ജാഗ്രത വേണമെന്നും സർക്കുലറിൽ പറയുന്നുണ്ട്. എല്ലാ എൻഫോഴ്സ്മെൻ്റ് ഉദ്യോഗസ്ഥരും ഫീൽഡിൽ പരിശോധനയ്ക്ക് ഇറങ്ങണം. പരിശോധനകളിൽ പിടിച്ചെടുക്കുന്ന മദ്യം സെക്കൻഡ്സ് ആണോയെന്ന നിരീക്ഷണവും ഉണ്ടാകണം. എല്ലാ ജില്ലാ അതിർത്തികളിലും പകലും രാത്രിയും പരിശോധന നടത്തണമെന്നും നിർദ്ദേശിച്ചിട്ടുണ്ട്.

Read More: ‘പൈറേറ്റ്സ് ഓഫ് കരീബിയൻ’ നടൻ സ്രാവ് ആക്രമണത്തില്‍ കൊല്ലപ്പെട്ടു

Read More: ഇനി ബിജെപിക്ക് ഒപ്പമില്ല; നിലപാട് വ്യക്തമാക്കി നവീൻ പട്‌നായിക്ക്‌; പിന്തുണയ്ക്ക് ശ്രമിച്ച് ഇൻഡ്യ സഖ്യം

Read More: ഭൂമിക്കടിയിലേക്ക് വളരാൻ മുംബൈ; എത്തുന്നു ഭൂഗർഭ മെട്രോ; ഇനി രണ്ടു മണിക്കൂർ യാത്രക്ക് 50 മിനിറ്റ് മതി