ഓ മൈ ഗോൾഡ് ! ഒറ്റയടിക്ക് കൂട്ടിയത് 400 രൂപ; ആദ്യമായി റെക്കോർഡ് തുക മറികടന്നു സ്വർണ്ണം; ഇനി സ്വർണത്തിൽ കൈവച്ചാൽ പൊള്ളും

സ്വര്‍ണവില പിടിവിട്ടു പായുന്നു. ആദ്യമായി 55,000 കടന്നിരിക്കുകയാണ്. ഒറ്റയടിക്ക് 400 രൂപയുടെ വർദ്ധനവ് ഇന്ന് രേഖപ്പെടുത്തിയത്തോടെ ഒരു പവന്‍ സ്വര്‍ണത്തിന്റെ വില 55,120 രൂപയായി. ഗ്രാമിന് 50 രൂപയാണ് കൂടിയത്. 6890 രൂപയാണ് ഒരു ഗ്രാം സ്വര്‍ണത്തിന്റെ വില. രാജ്യാന്തര വിലയിലുണ്ടായ മാറ്റത്തിന്‍റെ ചുവട് പിടിച്ചാണ് കേരള വിപണിയിലും വിലവർധിച്ചത്. നിക്ഷേപകർ വലിയതോതിൽ സ്വർണത്തിൽ താൽപര്യം കാട്ടുന്നതും വിലവർധന കാരണമായിട്ടുണ്ട്.സുരക്ഷിത നിക്ഷേപമായി കണ്ട്, നിക്ഷേപകര്‍ ഡോളറില്‍ നിന്നും ബോണ്ടില്‍ നിന്നും നിക്ഷേപം പിന്‍വലിച്ച് സ്വര്‍ണത്തിലേക്ക് ഒഴുക്കുന്നതാണ് ഇപ്പോഴത്തെ വില വര്‍ധനക്ക് പിന്നില്‍. കഴിഞ്ഞ മാര്‍ച്ച് 29ന് ആണ് ആദ്യമായി സ്വര്‍ണവില 50,000 കടന്നത്. പലിശ നിരക്ക് മാറ്റമില്ലാതെ തൽസ്ഥിതി തുടരുമെന്ന യുഎസ് ഫെഡറൽ റിസർവിന്റെ പണനയ പ്രഖ്യാപനമാണ് വിലക്കുതിപ്പിന് കാരണം. ഇതോടെ സാധാരണക്കാരന് സ്വർണത്തിൽ കൈവച്ചാൽ പൊള്ളും എന്ന അവസ്ഥയാണ്.

Read also: ഡോണയുടെ അക്കൗണ്ടിൽ നിന്നും ലാൽ പിൻവലിച്ചത് ഒന്നരക്കോടി രൂപ; കാനഡയിൽ മലയാളി യുവതിയുടെ ജീവനെടുത്തത് ചൂതാട്ടമോ ? കൊലയ്ക്കു പിന്നാലെ മുങ്ങി ഭർത്താവ്