തിരുവനന്തപുരം: മേയർ ആര്യ രാജേന്ദ്രനും കെ.എസ്.ആര്.ടി.സി ഡ്രൈവറുമായുള്ള തര്ക്കത്തില് ബസിനുള്ളിലെ സി.സി ടി.വി ക്യാമറയുടെ മെമ്മറി കാര്ഡ് കാണാതായതിൽ ദുരൂഹതയുണ്ടെന്ന് പ്രതിപക്ഷ നേതാവ് വി ഡി സതീശൻ. എം.എല്.എ സച്ചിന് ദേവ് ബസിനുള്ളില് കയറി യാത്രക്കാരെ ഇറക്കിവിട്ടെന്ന ആരോപണം നിലനില്ക്കെയാണ് മെമ്മറി കാര്ഡ് അപ്രത്യക്ഷമായത്. ദൃശ്യങ്ങള് പുറത്തു വന്നാല് തങ്ങളുടെ വാദങ്ങള് പൊളിയുമെന്ന ആശങ്കയില് മെമ്മറി കാര്ഡ് ബോധപൂര്വം എടുത്തു മാറ്റുകയും നശിപ്പിക്കുകയും ചെയ്തതായി സംശയമുണ്ടെന്നും വി ഡി സതീശൻ പറഞ്ഞു.
കേസില് നിര്ണായക തെളിവാകുമായിരുന്ന മെമ്മറി കാര്ഡ് അപ്രത്യക്ഷമായതിന് പിന്നില് രാഷ്ട്രീയ ഗൂഢാലോചനയുണ്ടോയെന്നും പരിശോധിക്കണമെന്ന് അദ്ദേഹം പ്രതികരിച്ചു. മേയറും എം.എല്.എയും സംഘവും നടത്തിയ നിയമ ലംഘനങ്ങളില് കേസെടുക്കാത്തത് അംഗീകരിക്കാനാകില്ല. ഒരാളുടെ പരാതിയില് കേസെടുക്കുകയും മറു ഭാഗത്തിന്റെ പരാതി തള്ളിക്കളയുകയും ചെയ്യുന്നത് ഇരട്ട നീതിയാണ്. നഗരമധ്യത്തില് കാര് ബസിന് കുറുകെയിട്ട് പതിനഞ്ചോളം യാത്രക്കാരെ നടുറോഡില് ഇറക്കി വിട്ടിട്ടും കെ.എസ്.ആര്.ടി.സി അധികൃതര് പ്രതികരിച്ചില്ല. യാതക്കാരോട് കെ.എസ്.ആര്.ടി.സിക്ക് ഒരു ഉത്തരവാദിത്വവുമില്ലേ എന്നും വി ഡി സതീശൻ ചോദിച്ചു.
ബസിന്റെ ട്രിപ്പ് മുടക്കിയിട്ടും പോലീസില് പരാതി നല്കിയില്ല. ഒരു സാധാരണക്കാരന് ഇങ്ങനെ ചെയ്താലും ഇതാണോ കെ.എസ്.ആര്.ടി.സിയുടെ സമീപനം? അതോ മേയര്ക്കും എം.എല്.എയ്ക്കും എന്തെങ്കിലും പ്രിവിലേജുണ്ടോ? മേയര്ക്കും സംഘത്തിനുമെതിരെ പരാതി നല്കാതെ ആരുടെ താല്പര്യമാണ് കെ.എസ്.ആര്.ടി.സി സംരക്ഷിക്കുന്നതെന്ന് വി ഡി സതീശൻ ചോദിച്ചു.
Read Also: ഡ്രൈഡേയിൽ മദ്യവിൽപ്പന; ഇടുക്കിയിൽ യുവാവ് അറസ്റ്റിൽ
