സുരക്ഷയുടെ കാര്യമല്ലെ, നോ കോമ്പ്രമൈസ്; എക്സ്യുവി 7എക്സ്ഒയിലെ പുതിയ മാറ്റങ്ങൾ
കൊച്ചി: മഹീന്ദ്ര എക്സ്യുവി 700ന്റെ പുതുക്കിയ പതിപ്പായ എക്സ്യുവി 7എക്സ്ഒ (XUV 7XO) വിപണിയിൽ അവതരിപ്പിച്ചു.
13.66 ലക്ഷം രൂപ മുതൽ ആരംഭിക്കുന്ന വിലയുള്ള ഈ എസ്യുവി, പെട്രോൾ–ഡീസൽ എൻജിൻ ഓപ്ഷനുകളോടെ എട്ട് വേരിയന്റുകളിലായി ലഭ്യമാണ്.
ടോപ് വേരിയന്റിന്റെ വില 24.92 ലക്ഷം രൂപ വരെയാണ്. എക്സ്യുവി 3എക്സ്ഒയ്ക്ക് ശേഷം മഹീന്ദ്രയുടെ പുതിയ നാമകരണ രീതിയിൽ എത്തുന്ന രണ്ടാമത്തെ മോഡലാണ് ഇത്.
ടാറ്റ സഫാരി, എംജി ഹെക്ടർ പ്ലസ്, ഹ്യുണ്ടായ് അൽകാസർ എന്നിവയുമായാണ് പുതിയ എക്സ്യുവി 7എക്സ്ഒ നേരിട്ട് മത്സരിക്കുക.
മഹീന്ദ്രയുടെ പുതിയ ഇലക്ട്രിക് മോഡലുകളായ എക്സ്ഇവി 9എസ്, എക്സ്ഇവി 9ഇ എന്നിവയിൽ നിന്ന് പ്രചോദനം ഉൾക്കൊണ്ടതാണ് എക്സ്യുവി 7എക്സ്ഒയുടെ ഡിസൈൻ.
ബൂമറാംഗ് ആകൃതിയിലുള്ള ഡിആർഎല്ലുകൾ, ട്രാപസോയിഡൽ എൽഇഡി ഹെഡ്ലാമ്പുകൾ, ഹെക്സഗണൽ ഡീറ്റെയിലിംഗോടുകൂടിയ പുതിയ ടെയിൽലാമ്പുകൾ, പുതുക്കിയ ഫ്രണ്ട് ഗ്രിൽ എന്നിവയാണ് പ്രധാന സ്റ്റൈലിങ് മാറ്റങ്ങൾ.
വശക്കാഴ്ചയിൽ പഴയ എക്സ്യുവി 700നോട് സമാനത നിലനിർത്തുമ്പോഴും, പിന്നിൽ കണക്റ്റഡ് എൽഇഡി ടെയിൽലാമ്പും റീ-ഡിസൈൻ ചെയ്ത ബമ്പറും ശ്രദ്ധേയമാണ്.
അകത്തളത്തിൽ ഏറ്റവും ശ്രദ്ധ നേടുന്നത് 12.4 ഇഞ്ച് വലുപ്പമുള്ള മൂന്ന് സ്ക്രീനുകൾ അടങ്ങിയ ഇൻഫോടെയിൻമെന്റ് സിസ്റ്റമാണ്.
ഡിജിറ്റൽ ഇൻസ്ട്രുമെന്റ് ക്ലസ്റ്റർ, സെൻട്രൽ ടച്ച്സ്ക്രീൻ, മുൻവശത്തെ യാത്രക്കാരനായി പ്രത്യേകം നൽകിയ സ്ക്രീൻ എന്നിവയാണ് ഇതിൽ ഉൾപ്പെടുന്നത്.
പുതിയ ടു-സ്പോക്ക് സ്റ്റിയറിങ് വീൽ, ടച്ച് അടിസ്ഥാനമാക്കിയ HVAC കൺട്രോൾ പാനൽ, പനോരമിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, പവേർഡ് ബോസ് മോഡ്, ഡോൾബി അറ്റ്മോസോടുകൂടിയ 16-സ്പീക്കർ ഹർമൻ കാർഡൺ സൗണ്ട് സിസ്റ്റം, വയർലെസ് ചാർജിങ്, ഡ്യുവൽ-സോൺ ക്ലൈമറ്റ് കൺട്രോൾ എന്നിവയും വാഹനത്തിലുണ്ട്.
സുരക്ഷയിൽ വിട്ടുവീഴ്ചയില്ല. ഉയർന്ന വേരിയന്റുകളിൽ 7 എയർബാഗുകൾ, 540-ഡിഗ്രി ക്യാമറ, ഇലക്ട്രോണിക് പാർക്കിങ് ബ്രേക്ക് (ഓട്ടോ-ഹോൾഡ്), ISOFIX സീറ്റ് ആങ്കറേജുകൾ എന്നിവ ലഭ്യമാണ്.
കൂടാതെ അഡാപ്റ്റീവ് ക്രൂയിസ് കൺട്രോൾ, ലെയിൻ കീപ്പ് അസിസ്റ്റ്, ഓട്ടോമാറ്റിക് എമർജൻസി ബ്രേക്കിങ് എന്നിവ ഉൾപ്പെടുന്ന ലെവൽ 2 ADAS സംവിധാനവും തുടരുന്നു.
എൻജിൻ വിഭാഗത്തിൽ ആദ്യ തലമുറയിലെ സംവിധാനങ്ങളാണ് നിലനിർത്തിയിരിക്കുന്നത്.
200 എച്ച്പി കരുത്തുള്ള 2 ലീറ്റർ ടർബോ പെട്രോൾ എൻജിനും 185 ബിഎച്ച്പി വരെ കരുത്ത് നൽകുന്ന 2.2 ലീറ്റർ ഡീസൽ എൻജിനും ലഭ്യമാണ്.
6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സുകളാണ് ഓപ്ഷനുകൾ. ഡീസൽ ടോപ് വേരിയന്റുകളിൽ ഓൾ-വീൽ ഡ്രൈവ് (AWD) സൗകര്യവും ഉൾപ്പെടുത്തിയിട്ടുണ്ട്.
English Summary
Mahindra has launched the updated XUV 7XO, a refreshed version of the XUV700, priced from ₹13.66 lakh to ₹24.92 lakh. Available in petrol and diesel variants, the SUV features a bold new design inspired by Mahindra’s electric models, a triple 12.4-inch screen setup, premium features, Level 2 ADAS, and powerful engine options. It competes with Tata Safari, MG Hector Plus, and Hyundai Alcazar.
mahindra-xuv-7xo-launch-price-features-india
Mahindra, XUV 7XO, XUV 700, SUV launch, Indian automobiles, car news, Mahindra SUV, petrol diesel SUV, ADAS, new car launch
