വെനസ്വേലയിൽ മഡൂറോയുടെ ഗതി ആർക്കും വരാം! മുന്നറിയിപ്പുമായി ട്രംപ്
ന്യൂയോർക്ക്: വെനസ്വേല ഇനി അമേരിക്ക ഭരിക്കുമെന്ന് യു.എസ്. പ്രസിഡന്റ് ഡോണൾഡ് ട്രംപ് പ്രഖ്യാപിച്ചു.
ആവശ്യമെങ്കിൽ വീണ്ടും സൈനിക നടപടി ഉണ്ടാകുമെന്നും, ജനാധിപത്യ സർക്കാരിന് ശരിയായ അധികാര കൈമാറ്റം നടക്കുന്നതുവരെ അമേരിക്ക ഭരണം തുടരണമെന്നും ട്രംപ് വ്യക്തമാക്കി.
യു.എസ്. കസ്റ്റഡിയിലായ വെനസ്വേലൻ പ്രസിഡന്റ് നിക്കോളാസ് മഡൂറോയും ഭാര്യ സിലിയ ഫ്ലോറസും അമേരിക്കയിൽ വിചാരണ നേരിടണമെന്നും അദ്ദേഹം ആവശ്യപ്പെട്ടു.
മഡൂറോ ഏകാധിപതിയാണെന്നും പടിഞ്ഞാറൻ അർദ്ധഗോളത്തിൽ അമേരിക്കൻ ആധിപത്യം പുനഃസ്ഥാപിച്ചതായും ട്രംപ് പറഞ്ഞു. ഇനി വലിയ ആക്രമണം ആവശ്യമില്ലെന്നാണ് വിലയിരുത്തൽ.
വെനസ്വേലയിൽ മഡൂറോയുടെ ഗതി ആരെയും കാത്തിരിക്കാമെന്ന മുന്നറിയിപ്പും ട്രംപ് നൽകി.
ഫ്ളോറിഡയിലെ മാർ-എ-ലാഗോയിൽ ചേർന്ന പ്രത്യേക വാർത്താ സമ്മേളനത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
യു.എസ്. സൈന്യത്തിന്റെ പിടിയിലായ മഡൂറോയെയും ഭാര്യയെയും ന്യൂയോർക്കിലെ സ്റ്റുവർട്ട് എയർഫോഴ്സ് ബേസിലെത്തിച്ചു.
ഗ്വാണ്ടനാമോയിലൂടെ കൊണ്ടുവന്ന ശേഷം സൈനിക വിമാനത്തിലാണ് ഇരുവരെയും ന്യൂയോർക്കിലെത്തിച്ചത്.
സ്റ്റുവർട്ട് ബേസിൽ നിന്ന് ഹെലികോപ്റ്ററിൽ മാൻഹാട്ടനിലേക്ക് മാറ്റുന്ന ഇരുവരെയും യു.എസ്. ഡ്രഗ് എൻഫോഴ്സ്മെന്റ് അഡ്മിനിസ്ട്രേഷന്റെ ന്യൂയോർക്ക് ആസ്ഥാനത്ത് ചോദ്യം ചെയ്യും. തുടർന്ന് ബ്രൂക്ലിനിലെ മെട്രോപൊളിറ്റൻ
ഡിറ്റൻഷൻ സെന്ററിലാകും തടവിൽ പാർപ്പിക്കുക.
‘നാർക്കോ-ഭീകരവാദം’, കൊക്കെയ്ൻ ഇറക്കുമതിക്കുള്ള ഗൂഢാലോചന ഉൾപ്പെടെയുള്ള കുറ്റങ്ങളിലാണ് ന്യൂയോർക്ക് സൗത്ത് ഡിസ്ട്രിക്റ്റിൽ മഡൂറോയെ പ്രതിചേർത്തിരിക്കുന്നത്.
ഡെൽറ്റ ഫോഴ്സ് അടക്കമുള്ള യു.എസ്. പ്രത്യേക സേന രഹസ്യമായി വെനസ്വേലയിൽ കടന്നുകയറി മഡൂറോയെ പിടികൂടിയതായും, കാരക്കാസ് ഉൾപ്പെടെ വിവിധ പ്രദേശങ്ങളിൽ അമേരിക്കൻ ആക്രമണം നടന്നതായും റിപ്പോർട്ടുണ്ട്.
വെനസ്വേലയിൽ അടിയന്തരാവസ്ഥ പ്രഖ്യാപിച്ചിരിക്കുകയാണ്. മഡൂറോയെ മോചിപ്പിക്കണമെന്ന് റഷ്യ ആവശ്യപ്പെട്ടിട്ടുണ്ട്.
English Summary:
US President Donald Trump announced that the United States will take control of Venezuela until a democratic transfer of power is ensured. Venezuelan President Nicolas Maduro and his wife have been taken into US custody and moved to New York to face trial on drug trafficking and terrorism-related charges. Venezuela has declared an emergency amid reports of US military operations, while Russia has demanded Maduro’s release.
us-captures-maduro-trump-venezuela-american-control
Venezuela, Nicolas Maduro, Donald Trump, United States, US military action, New York trial, World news
