ലാൻഡിംഗിനിടെ റൺവേയിൽ നിന്ന് തെന്നിമാറി; ടർബോപ്രോപ്പ് യാത്രാവിമാനത്തിലുണ്ടായിരുന്നത് 55പേർ, ഒഴിവായത് വൻ ദുരന്തം
കാഠ്മണ്ഡു: നേപ്പാളിലെ ഭദ്രാപൂരിൽ ലാൻഡ് ചെയ്യുന്നതിനിടെ ബുദ്ധ എയർലൈൻസിന്റെ ടർബോപ്രോപ്പ് യാത്രാവിമാനം റൺവേയിൽ നിന്ന് തെന്നിമാറി.
റൺവേയിൽ നിന്ന് ഏകദേശം 200 മീറ്റർ അകലെയിലേക്ക് വിമാനം വഴുതിയതായാണ് എയർലൈൻ അധികൃതർ അറിയിച്ചത്.
കാഠ്മണ്ഡുവിൽ നിന്നെത്തിയ ATR 72-500 (രജിസ്ട്രേഷൻ: 9N-AMF) വിമാനത്തിൽ 51 യാത്രക്കാരും നാല് ജീവനക്കാരും ഉണ്ടായിരുന്നു. എല്ലാവരും സുരക്ഷിതരാണെന്നും ആരർക്കും പരിക്കുകളില്ലെന്നും അധികൃതർ വ്യക്തമാക്കി.
വിമാനം ഒരു അരുവിക്ക് സമീപത്തേക്കാണ് തെന്നിമാറിയത്. സംഭവത്തിൽ വിമാനത്തിന് ചെറിയ കേടുപാടുകൾ സംഭവിച്ചിട്ടുണ്ട്.
സാങ്കേതിക തകരാറുകൾ ഉണ്ടായിരുന്നോയെന്ന് പരിശോധിക്കുന്നതിനായി കാഠ്മണ്ഡുവിൽ നിന്ന് വിദഗ്ധ സംഘത്തെ ഭദ്രാപൂരിലേക്ക് അയച്ചിട്ടുണ്ടെന്നും ബുദ്ധ എയർലൈൻസ് അറിയിച്ചു.
നേപ്പാളിൽ മുൻപും വിമാനാപകടങ്ങൾ റിപ്പോർട്ട് ചെയ്തിട്ടുണ്ട്. 2024 ജൂലായിൽ കാഠ്മണ്ഡുവിൽ നിന്ന് പറന്നുയർന്ന സൗര്യ എയർലൈൻസിന്റെ ബോംബാർഡിയർ വിമാനം തകർന്നുവീണ് 18 പേർ മരിച്ചിരുന്നു.
2023 ജനുവരിയിൽ പൊഖാറയിൽ ലാൻഡ് ചെയ്യുന്നതിനിടെ യെതി എയർലൈൻസിന്റെ ATR 72 വിമാനം തകർന്നുവീണ് 72 പേർ മരണപ്പെട്ടിരുന്നു.
English Summary:
A Buddha Air ATR 72-500 aircraft skidded off the runway while landing at Bhadrapur airport in Nepal. The plane, carrying 51 passengers and four crew members from Kathmandu, slid about 200 meters off the runway. All onboard are safe, with only minor damage reported. An expert team has been deployed to investigate possible technical issues.
buddha-air-plane-skids-off-runway-bhadrapur-nepal
Nepal, Buddha Air, Plane incident, Bhadrapur airport, ATR 72, Aviation news, Runway skid
