തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് ഫലസൂചനകൾ നാളെ രാവിലെ 8.30 മുതല് ലഭ്യമാകും.
സംസ്ഥാനത്തെ 244 കേന്ദ്രങ്ങളിൽ രാവിലെ എട്ട് മണിക്ക് വോട്ടെണ്ണൽ ആരംഭിക്കുമെന്ന് സംസ്ഥാന തെരഞ്ഞെടുപ്പ് കമ്മീഷൻ അറിയിച്ചു.
ആദ്യഘട്ട ലീഡ് നിലയും അന്തിമ ഫലവും കമ്മീഷന്റെ TREND സംവിധാനത്തിലൂടെ തത്സമയം പൊതുജനങ്ങൾക്ക് ലഭ്യമാകും.
14 ജില്ലാ പഞ്ചായത്തുകളിലേക്കുള്ള പോസ്റ്റൽ ബാലറ്റുകൾ ഓരോ ജില്ലകളിലെ കളക്ട്രേറ്റുകളിൽ ജില്ലാ കളക്ടർമാരുടെ നേതൃത്വത്തിൽ എണ്ണും.
കൗണ്ടിങ് ഹാളുകളിൽ വോട്ടെണ്ണൽ ആരംഭിക്കാനുമുമ്പ് ഓരോ കൗണ്ടിങ് ടേബിളുകളിലും വയ്ക്കുന്ന ഇലക്ട്രോണിക് വോട്ടിങ് മെഷീനുകളുടെ
കൺട്രോൾ യൂണിറ്റുകളുടെ സീലുകൾ കർശന പരിശോധനയ്ക്ക് ശേഷം മാത്രമേ കൗണ്ടിങ്
കൺട്രോൾ യൂണിറ്റിലെ സീലുകളും സ്പെഷ്യൽ ടാഗുകളുമൊന്നും കേടുപാടുകളില്ലെന്ന് സ്ഥാനാർഥികൾക്കും കൗണ്ടിങ് ഏജന്റുമാർക്കും സാന്നിധ്യത്തിൽ ഉറപ്പുവരുത്തും.
വരണാധികാരിയുടെ ടേബിളിൽ ആദ്യം പോസ്റ്റൽ ബാലറ്റുകൾ എണ്ണും. തുടർന്ന് ഇലക്ട്രോണിക് വോട്ടിങ് മെഷീനുകളിലെ വോട്ട് എണ്ണൽ തുടങ്ങും.
ഓരോ ടേബിളിലും സ്ഥാനാർഥികളുടെയോ അവരുടെ കൗണ്ടിങ് ഏജന്റുമാരുടെയോ സാന്നിധ്യമുണ്ടാകും.
വിജയാഘോഷങ്ങൾ മിതത്വത്തോടെ—മാതൃകാ പെരുമാറ്റചട്ടം പ്രാബല്യത്തിൽ
തിരഞ്ഞെടുപ്പ് വിജയാഘോഷങ്ങളിൽ നിയമലംഘനങ്ങൾക്ക് ഇടവരരുതെന്ന് കമ്മീഷൻ മുന്നറിയിപ്പ് നൽകി.
മാതൃകാ പെരുമാറ്റചട്ടം ഡിസംബർ 18 വരെ തുടരുന്നതിനാൽ ആഹ്ലാദപ്രകടനങ്ങളിൽ മിതത്വം പാലിക്കണമെന്നും നിർദ്ദേശമുണ്ട്.
പൊതു വഴികളിലും ജംഗ്ഷനുകളിലും ഗതാഗതത്തിന് തടസ്സമുണ്ടാക്കുന്ന രീതിയിൽ ലൗഡ്സ്പീക്കർ ഉപയോഗിക്കുന്നത് നിരോധിച്ചു.
പടക്കം–വെടിക്കെട്ട് മുതലായവ നിയമാനുസൃതമായി മാത്രമേ ഉപയോഗിക്കാവൂ. ഹരിതച്ചട്ടം, ശബ്ദനിയന്ത്രണ നിയമങ്ങൾ, പരിസ്ഥിതി മാനദണ്ഡങ്ങൾ എന്നിവയും കർശനമായി പാലിക്കേണ്ടതുണ്ട്.
ലീഡ്–ഫലം ജില്ലാ അടിസ്ഥാനത്തിൽ സൈറ്റിൽ ലഭ്യം
ഫലങ്ങൾ ജില്ലാ അടിസ്ഥാനത്തിൽ ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത്, മുനിസിപ്പാലിറ്റി, കോർപ്പറേഷൻ എന്നീ വിഭാഗങ്ങളായി TREND വെബ്സൈറ്റിൽ ലഭ്യമാണ്.
ഓരോ ബൂത്തിലെയും സ്ഥാനാർത്ഥികളുടെ വോട്ട് നിലയും വാർഡ് അടിസ്ഥാനത്തിലുള്ള ലീഡ് നിലയും തത്സമയം അപ്ലോഡ് ചെയ്യും.
മാധ്യമങ്ങൾക്ക് കൃത്യവും സമയബന്ധിതവുമായ ഫലവിവരങ്ങൾ നൽകാൻ സംസ്ഥാന തെരഞ്ഞെടുപ്പ് കമ്മീഷൻ ആസ്ഥാനത്തും എല്ലാ ജില്ലകളിലും പ്രത്യേക സംവിധാനം ഒരുക്കിയിട്ടുണ്ട്.
ഫലം ലഭ്യമാകുന്ന വെബ്സൈറ്റുകൾ
English Summary:
Kerala’s local body election vote counting begins tomorrow at 8 AM across 244 centers. First result trends will be available by 8.30 AM. Postal ballots will be counted at district headquarters. Live lead status, booth-wise votes, and district-wise results can be tracked through the Election Commission’s TREND website. Strict guidelines are issued for celebrations, with the model code of conduct active until December 18.
