വൈറ്റ് ഹൗസിനു സമീപം സൈനികർക്കുനേരെ വെടിവയ്പ്പ്; വെടിവച്ചത് അഫ്ഗാനിസ്ഥാൻ സ്വദേശി
വാഷിങ്ടൺ ഡി.സി.-യിലെ വൈറ്റ് ഹൗസിനു സമീപം 2 നാഷണൽ ഗാർഡ് സൈനികർക്കുനേരെ വെടിവെച്ചത് അഫ്ഗാനിസ്ഥാനിൽ നിന്ന് അഭയം തേടിയെത്തിയ റഹ്മാനുല്ല ലഖൻവാൾ (29) ആണെന്ന് സ്ഥിരീകരിച്ചു.
2021ൽ യുഎസിൽ അഭയം തേടിയ അദ്ദേഹത്തിന് ഈ വർഷം ഏപ്രിലിലാണ് ഔദ്യോഗിക അഭയാനുമതി ലഭിച്ചത്.
ബുധനാഴ്ച ഉച്ചയ്ക്ക് 2.15ഓടെ (ഇന്ത്യൻ സമയം പുലർച്ചെ 1) മെട്രോ സ്റ്റേഷൻ പരിസരത്ത് റോന്തു ചുറ്റുകയായിരുന്ന 2 വെസ്റ്റ് വെർജീനിയ നാഷണൽ ഗാർഡ് സൈനികർക്കുനേരെയാണ് ഇയാൾ വെടിയുതിർത്തത്.
വെടിവെപ്പിന് പിന്നാലെ മറ്റ് സൈനികർ അദ്ദേഹത്തെ കീഴടക്കി. പരിക്കുകളോടെ ഇയാൾ ഇപ്പോൾ കസ്റ്റഡിയിലുണ്ട്.
