ആർബിഐയുടെ പുതുക്കിയ വ്യവസ്ഥകൾ
റിസർവ് ബാങ്ക് ഓഫ് ഇന്ത്യ (RBI) സ്വർണ്ണവും വെള്ളിയും പണയമായി നൽകുന്ന വായ്പകളുടെ വ്യവസ്ഥകൾ പുതുക്കി.
ഉപഭോക്തൃ സംരക്ഷണം, വായ്പാ പ്രക്രിയയിലെ സുതാര്യത, തിരിച്ചടവിലെ അച്ചടക്കം എന്നിവ ഉറപ്പാക്കുകയാണ് ലക്ഷ്യം.
പുതിയ നിയമങ്ങൾ രണ്ട് ഘട്ടങ്ങളിലായി പ്രാബല്യത്തിലാകും. ഒന്നാംഘട്ടം 2025 ഒക്ടോബർ 1 മുതൽ നിലവിൽ വന്നു. രണ്ടാം ഘട്ടം 2026 ഏപ്രിൽ 1 മുതൽ പ്രാബല്യത്തിൽ വരും.
വായ്പാ പരിധികളും LTV അനുപാതവും
സ്വർണ്ണത്തിന്റെ മൂല്യത്തിനനുസരിച്ച് വായ്പാ തുകക്ക് വ്യത്യസ്ത LTV (Loan to Value) നിരക്കുകൾ നിശ്ചയിച്ചു:
₹2.5 ലക്ഷം വരെ – 85%
₹2.5 ലക്ഷം – ₹5 ലക്ഷം വരെ – 80%
₹5 ലക്ഷം മുകളിൽ – 75%
ബുള്ളറ്റ് തിരിച്ചടവ് – പുതുക്കിയ വ്യവസ്ഥ
ബുള്ളറ്റ് തിരിച്ചടവ് ഇനി കർശനമായി 12 മാസത്തിനകം പൂർത്തിയാക്കണം.
പലിശ മാത്രം അടച്ച് വായ്പ പുതുക്കുന്ന രീതി നിർത്തലാക്കി.
ലക്ഷ്യം: തിരിച്ചടവിൽ ശുദ്ധമായ അച്ചടക്കം കൊണ്ടുവരിക.
പണയം തിരികെ നൽകൽ – സമയബന്ധിത നടപടി
വായ്പ മുഴുവനും തീർത്താൽ പണയം വെച്ച സ്വർണം അന്നുതന്നെയോ 7 പ്രവൃത്തി ദിവസത്തിനുള്ളിൽ തിരികെ നൽകണം.
വൈകിയാൽ ദിവസവും ₹5,000 പിഴ ഈടാക്കും.
വായ്പാ കരാർ – നിർബന്ധമായ വിവരങ്ങൾ
വായ്പാ കരാറിൽ താഴെപ്പറയുന്ന വിവരങ്ങൾ വ്യക്തമായി രേഖപ്പെടുത്തണം:
ഈട്
സ്വർണത്തിന്റെ മൂല്യനിർണയ രീതി
ലേല നടപടികളും സമയക്രമവും
സ്വർണം തിരികെ നൽകാനുള്ള കാലാവധി
മൂല്യനിർണ്ണയം
30 ദിവസത്തെ ശരാശരി വില അല്ലെങ്കിൽ IBJA/SEBI നിരക്ക് പ്രകാരമുള്ള തലേദിവസത്തെ വില – രണ്ടിലും കുറവ് ആയിരിക്കും അടിസ്ഥാനമായി.
സ്വർണ്ണത്തിന്റെ തനത് മൂല്യം മാത്രം പരിഗണിക്കും.
രത്നങ്ങൾ, കല്ലുകൾ, പണിക്കൂലി എന്നിവ ഒഴിവാക്കും.
ലേല നടപടികൾ
പണയം ലേലത്തിന് വിടുന്നതിന് മുമ്പ് ഉപഭോക്താവിനെ മുൻകൂർ അറിയിക്കണം.
ലേലത്തിന്റെ മിനിമം നിരക്ക് വിപണി മൂല്യത്തിന്റെ 90%.
രണ്ടു ലേലങ്ങൾ പരാജയപ്പെട്ടാൽ 85% വരെ കുറയ്ക്കാം.
ലേലത്തിൽ നിന്നുള്ള അധിക തുക 7 ദിവസത്തിനകം ഉപഭോക്താവിന് നൽകണം.
പ്രാദേശിക ഭാഷയും ഉപഭോക്തൃ സൗകര്യവും
വായ്പയുടെ എല്ലാ നിബന്ധനകളും പ്രാദേശിക ഭാഷയിൽ വ്യക്തമാക്കണം.
നിരക്ഷരരായ ഉപഭോക്താക്കൾക്കായി സ്വതന്ത്ര സാക്ഷിയുടെ സാന്നിധ്യത്തിൽ വിശദീകരണം നൽകണം.
2025 ഒക്ടോബർ 1 മുതൽ പുതിയ നിയന്ത്രണങ്ങൾ
സ്വർണം വാങ്ങുന്നതിനായി വായ്പ അനുവദിക്കില്ല (ജ്വല്ലറി, കോയിൻ, ETF ഉൾപ്പെടെ).
അസംസ്കൃത സ്വർണം–വെള്ളി വായ്പയ്ക്ക് അനുവദിക്കില്ല.
ആഭരണ നിർമ്മാതാക്കൾക്ക് പ്രവർത്തന മൂലധന വായ്പ അനുവദിക്കും (മുമ്പ് ജ്വല്ലറികൾക്ക് മാത്രമായിരുന്നു).
ചെറു പട്ടണങ്ങളിലെ Urban Cooperative Banks-നും സ്വർണ്ണ വായ്പ അനുവദിക്കും.
ഗോൾഡ് മെറ്റൽ ലോൺ (GML) തിരിച്ചടവ് കാലാവധി 270 ദിവസം വരെ.
ഗോൾഡ് മെറ്റൽ ലോൺ (GML) – പുതുക്കൽ
1998-ൽ ആഭരണ നിർമ്മാതാക്കൾക്ക് സഹായമായി ആരംഭിച്ച GML പദ്ധതി, പുതുക്കിയ കരട് രൂപത്തിൽ പുറത്തിറക്കി.
പണത്തിന് പകരം സ്വർണം മൂലധനമായി നൽകും.
കടമെടുത്ത സ്വർണം ഉപയോഗിച്ച് ആഭരണം നിർമ്മിച്ച് വിൽപ്പന വരുമാനത്തിൽ നിന്നാണ് വായ്പ തിരിച്ചടവ്.
ഗോൾഡ് മോണിറ്റൈസേഷൻ സ്കീമുമായി ബന്ധിപ്പിച്ച് കൂടുതൽ സുതാര്യതയും സൗകര്യവും ഉറപ്പാക്കും.
ആർബിഐയുടെ പുതിയ ചട്ടങ്ങൾ ഉപഭോക്തൃ സംരക്ഷണത്തിനും ബാങ്കിംഗ് ശുദ്ധിക്കും വഴിതെളിക്കുന്നു.
വായ്പാ LTV പരിധികളും തിരിച്ചടവ് നിയമങ്ങളും ശക്തമാക്കിയതോടെ ഉപഭോക്താവിനും ബാങ്കുകൾക്കും സുരക്ഷിതമായ രീതിയിൽ ഇടപാടുകൾ നടത്താൻ സാധിക്കും.
ആഭരണ വ്യവസായത്തിന് പുതുക്കിയ GML പദ്ധതി വലിയ ആശ്വാസമായിരിക്കും.
English Summary:
RBI revises gold and silver loan rules to enhance transparency, discipline in repayment, and customer protection. New LTV limits, auction rules, repayment norms, and updated Gold Metal Loan scheme explained.
