ഒരു ദ്വീപ് മുഴുവൻ കുടിയൊഴിപ്പിക്കുന്നു; പ്രക്ഷോഭം
കൊച്ചി: ലക്ഷദ്വീപിൽ ബിത്ര ദ്വീപിലെ ജനങ്ങളെ കുടിയൊഴിപ്പിക്കലിന് നീക്കം. ബിത്രയുടെ മുഴുവൻ ഭൂമിയും ഏറ്റെടുത്ത് പ്രതിരോധ ഏജൻസികൾക്ക് കൈമാറാനാണ് ലക്ഷദ്വീപ് ഭരണകൂടത്തിന്റെ തീരുമാനം. 91700 സ്‌ക്വർ മീറ്റർ സ്ഥലമാണ് ഏറ്റെടുക്കുക. ഇതോടെ ഇവിടെ നിന്ന് ഏകദേശം നാൽപ്പതോളം കുടുംബങ്ങൾ കുടിയിറക്കപ്പെടും.
ഭരണകൂടത്തിന്റെ ഈ തീരുമാനം ദ്വീപ് നിവാസികൾക്കിടയിൽ വലിയ പ്രക്ഷോഭങ്ങൾക്ക് വഴിവെച്ചിരിക്കുകയാണ്. ഭൂമി ഏറ്റെടുക്കുന്നതിന് മുൻപ് സോഷ്യൽ ഇമ്പാക്ട് സ്റ്റഡി നടത്താൻ ലക്ഷദ്വീപ് അഡ്മിനിസ്ട്രേഷൻ ഉത്തരവിറക്കിയിരുന്നു. 2 മാസത്തിനകം പഠനം പൂർത്തിയാക്കാനും നിർദേശമുണ്ട്‌.
കൊച്ചി: മംഗളൂരുവിനും ലക്ഷദ്വീപിനും ഇടയില്‍ അതിവേഗ ഫെറി സര്‍വീസ് തുടങ്ങി. രണ്ട് സ്ഥലങ്ങളിലേക്കുമുള്ള യാത്രാ സമയത്തില്‍ അഞ്ച് മുതല്‍ ആറ് മണിക്കൂര്‍ വരെ കുറവ് വരുമെന്നാണ് വിലയിരുത്തല്‍. പരളി എന്നാണ് അതിവേഗ ഫെറി സര്‍വീസിന് പേരിട്ടിരിക്കുന്നത്.
മേയ് മൂന്നിന് ലക്ഷദ്വീപില്‍ നിന്ന് മംഗളൂരുവിലെ പഴയ തുറമുഖത്തേക്ക് എത്തിയ ഫെറിയില്‍ 160 യാത്രക്കാര്‍ ഉണ്ടായിരുന്നു. വെറും ഏഴു മണിക്കൂറിൽ ലക്ഷദ്വീപില്‍ നിന്ന് മംഗളൂരുവിലേക്കു ഫെറി എത്തി. നേരത്തെ ഇതേ പാതയില്‍ യാത്ര പൂര്‍ത്തിയാക്കാന്‍ 13 മണിക്കൂര്‍ ആയിരുന്നു വേണ്ടിയിരുന്നത്.
പരീക്ഷണ സര്‍വീസുകള്‍ക്ക് ശേഷം മംഗളൂരു – ലക്ഷദ്വീപ് ടൂറിസ്റ്റ് ലൈനര്‍ സേവനം ആരംഭിക്കുന്നതിനുള്ള ഒരുക്കത്തിലാണ് കേന്ദ്ര വിനോദസഞ്ചാര മന്ത്രാലയത്തിന് കീഴിലുള്ള ലക്ഷദ്വീപ് ഐലന്‍ഡ്സ് ടൂറിസം ഡെവലപ്മെന്റ് അതോറിറ്റി.
പശ്ചിമഘട്ടത്തിലെ ഇക്കോ ടൂറിസം, വിദ്യാഭ്യാസ ടൂറിസം, ആരോഗ്യ ടൂറിസം, വിശ്രമ വിനോദസഞ്ചാരം എന്നിവയെല്ലാം എളുപ്പമാക്കുകയും സുഗമമാക്കുകയും ചെയ്യുന്നതിന്റെ ആദ്യപടിയാണ് ഈ തുടക്കം.
തിമിംഗല ഛർദ്ദി പിടികൂടിയ സംഭവം; ലക്ഷദ്വീപ് എംപിയുടെ ബന്ധു പിടിയിൽ
കൊച്ചി: തിമിംഗല ഛര്‍ദി (ആംബർഗ്രിസ്) പിടികൂടിയ സംഭവത്തിൽ ലക്ഷദ്വീപ് എംപിയുടെ ബന്ധു പിടിയിൽ. കോൺഗ്രസ് എംപി മുഹമ്മദ് ഹംദുള്ള സയീദിന്റെ അടുത്ത ബന്ധുവായ മുഹമ്മദ് ഇഷാഖ് (31) ആണ് പിടിയിലായത്. നെടുമ്പാശേരി വിമാനത്താവളത്തിൽ വെച്ച് വെള്ളിയാഴ്ചയാണ് ഇയാളെ പിടികൂടിയത്.
കേസിൽ ലക്ഷദ്വീപ് പൊലീസുകാരായ മുഹമ്മദ് നൗഷാദ് ഖാൻ, ബി.എം ജാഫർ എന്നിവരും പിടിയിലായിരുന്നു. കഴിഞ്ഞ ദിവസം ലക്ഷദ്വീപ് ഗസ്റ്റ് ഹൗസിൽ നിന്നാണ് തിമിംഗല ഛർദി പിടികൂടിയത്. മുഹമ്മദ് ഇഷാഖ് ഒരാളെ ഏൽപ്പിക്കാൻ ആണെന്ന് പറഞ്ഞ് ഒരു കവർ നൽകിയിരുന്നെന്നും ഇതിൽ തിമിംഗല ഛർദിയാണെന്ന് അറിയില്ലായിരുന്നുവെന്നാണ് ഇവർ പൊലീസിന് നൽകിയ മൊഴി. വെള്ളിയാഴ്ച പാക്കറ്റ് വാങ്ങാൻ ഒരാൾ വരുമെന്നും അയാൾക്ക് കൈമാറണമെന്നും മാത്രമാണ് ഇഷാഖ് നിർദേശം നൽകിയിരുന്നതെന്നും ഇവർ ഫോറസ്റ്റ് ഉദ്യോഗസ്ഥർക്ക് മൊഴി നൽകിയിരുന്നു.
ലക്ഷദ്വീപ് തീരത്തു നിന്നാണ് തിമിംഗല ഛർദി ലഭിച്ചതെന്നും എറണാകുളത്തുള്ള വ്യക്തിക്ക് വിൽക്കാൻ കൊണ്ടുവന്നതാണെന്നും ചോദ്യം ചെയ്യലിൽ ഇഷാഖ് സമ്മതിച്ചു. ഇയാളെ വിശദമായി ചോദ്യം ചെയ്ത് വരികയാണ്. ഉന്നർ ഉൾപ്പെടെ നിരവധി പേർ സംഘത്തിലുള്ളതായി പൊലീസ് സംശയിക്കുന്നു. അറേബ്യൻ സുഗന്ധ നിർമ്മാണത്തിലെ അമൂല്യമായ അസംസ്കൃത വസ്തുവാണ് ആംബർഗ്രിസ്. സുഗന്ധം ദീർഘനേരം നിലനിൽക്കാനാണ് ഇത് ഉപയോഗിക്കുന്നത്. വംശനാശം നേരിടുന്ന എണ്ണ തിമിംഗല (സ്പേം വെയ്‌ൽ) ത്തിൽ നിന്നാണ് ഇത് ലഭിക്കുക
English Summary :
The Lakshadweep administration has initiated steps to evict the residents of Bitra Island. As per the decision, the entire land of Bitra is to be acquired and handed over to defense agencies. This move marks a significant shift in the island’s status, effectively displacing its civilian population for strategic and defense-related purposes.
