മലയാളി യുവതിയെ ദുബായില് കൊല്ലപ്പെട്ട നിലയിൽ കണ്ടെത്തിയ സംഭവത്തിൽ ഒപ്പമുണ്ടായിരുന്ന സുഹൃത്ത് പിടിയിൽ. കൂടെ ഉണ്ടായിരുന്ന ഈ സുഹൃത്താണ് കൊല നടത്തിയതെന്ന് സംശയിക്കുന്നു. നാട്ടിലേക്ക് രക്ഷപ്പെടാനുള്ള ശ്രമത്തിനിടെ പ്രതിയെ ദുബായ് രാജ്യാന്തര വിമാനത്താവളത്തിൽ നിന്നാണ് ഇയാളെ പൊലീസ് അറസ്റ്റ് ചെയ്തത്..
തിരുവനന്തപുരം വിതുര, ബൊണാകാട് സ്വദേശിനി ആനിമോള് ഗില്ഡ(26)യെയാണ് കൊല്ലപ്പെട്ട നിലയിൽ കണ്ടെത്തിയത്. ദുബായ് കരാമയില് ഈ മാസം 4 ന് ആയിരുന്നു സംഭവം. ദുബായിലെ ഒരു കമ്പനിയിൽ ജീവനക്കാരിയായിരുന്നു ആനി മോൾ.
മൃതദേഹം നാട്ടിലേക്ക് കൊണ്ട് പോകാനുള്ള നടപടിക്രമങ്ങള് പുരോഗമിക്കുന്നതായി സാമൂഹിക പ്രവര്ത്തകൻ സലാം പാപ്പിനിശ്ശേരി, ഇന്കാസ് യൂത്ത് വിങ് ഭാരവാഹികള് എന്നിവര് അറിയിച്ചു. കൊലപാതകത്തിന്റെ കാരണവും കൂടുതല് വിവരങ്ങളും പൊലീസ് പുറത്തു വിട്ടിട്ടില്ല.
ട്രംപിന് ബോയിങ് ആഡംബര വിമാനം സമ്മാനിക്കാൻ ഖത്തർ; പ്രസിഡന്റിന്റെ ഔദ്യോഗിക വിമാനായി ഉപയോഗിച്ചേക്കും
യുഎസ് പ്രസിഡന്റ് ഡോണൾഡ് ട്രംപിന് ട്രംപിന് ബോയിങ് ആഡംബര വിമാനം സമ്മാനിക്കാൻ ഖത്തർ. ഖത്തർ ഭരിക്കുന്ന രാജകുടുംബത്തിന്റെ പാരിതോഷികമായിട്ടാണ് ആഡംബര വിമാനം സമ്മാനിക്കാൻ ആലോചിക്കുന്നത്.
എന്നാൽ, വാഗ്ദാനം പരിഗണനയിലാണെന്ന് വൈറ്റ്ഹൗസ് സ്ഥിരീകരിച്ചതോടെ വിവാദം. യുഎസ് പ്രതിരോധ വകുപ്പിന് ഖത്തർ സമ്മാനിക്കാനൊരുങ്ങുന്ന ബോയിങ് 747–8 വിമാനം പ്രസിഡന്റിന്റെ ഔദ്യോഗിക വിമാനമായ എയർ ഫോഴ്സ് വൺ ആയി ഉപയോഗിക്കാനാണ് ആലോചിക്കുന്നത്.
ഇസ്രയേൽ–ഹമാസ് വെടിനിർത്തൽ ചർച്ചകളിൽ മധ്യസ്ഥത വഹിക്കുന്നതുൾപ്പെടെ ഖത്തറുമായി യുഎസിന് വളരെ അടുത്ത ബന്ധമാണ്. പുതിയൊരു എയർ ഫോഴ്സ് വൺ വാങ്ങുന്നതിനെക്കാൾ നല്ലത് ഖത്തറിന്റെ സമ്മാനം സ്വീകരിക്കുന്നതാണെന്നാണ് ട്രംപിന്റെ നിലപാട്.
പുതിയ ബോയിങ് 747–8 വിമാനത്തിന് ഏകദേശം 40 കോടി ഡോളറാണ് (3396 കോടി രൂപ) വില. ഖത്തർ വിമാനം വൈറ്റ്ഹൗസ് സ്വീകരിച്ചാൽ, യുഎസ് സർക്കാരിനു ലഭിച്ചിട്ടുള്ള വിലകൂടിയ പാരിതോഷികങ്ങളിലൊന്നായി മാറും.
ഈ വിമാനം പ്രസിഡന്റ് പദവി ഒഴിഞ്ഞതിനുശേഷം താൻ ഉപയോഗിക്കില്ലെന്നും ട്രംപ് പറഞ്ഞു. ഇതിന്റെ നിയമവശങ്ങൾ പഠിച്ചുകൊണ്ടിരിക്കുകയാണെന്ന് വൈറ്റ്ഹൗസ് വക്താവ് കാരലിൻ ലെവിറ്റ് അറിയിച്ചു.
