മൂന്നാര്‍: തമിഴ്‌നാട്ടില്‍ നിന്നും വിനോദ സഞ്ചാരത്തിനെത്തിയ 2 വിദ്യാര്‍ഥികളെ റിസോര്‍ട്ടിലെ ശുചിമുറിക്കുള്ളില്‍ അബോധാവസ്ഥയില്‍ കണ്ടെത്തി. ചെന്നൈ ഊത്തു കോട്ട വിശ്വേശ്വര മള്‍ട്ടിക്കുലേഷന്‍ ഹൈസ്‌കൂള്‍ വിദ്യാര്‍ഥികളായ ജിജോ റാം (15), പി.മദനന്‍ (15) എന്നിവരാണ് ടാറ്റാ ഹൈറേഞ്ച് ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നത്.
ഇരുവരും അപകടനില തരണം ചെയ്തതായി ആശുപത്രി അധികൃതര്‍ വിശദമാക്കിയത്. ഇന്നലെ രാവിലെയാണ് 89 കുട്ടികളും 15 അധ്യാപകരുമടങ്ങുന്ന സംഘം പഴയ മൂന്നാറിലെ റിസോര്‍ട്ടിലെത്തിയത്. മുറികളിലെത്തി ഫ്രഷായ ശേഷം എല്ലാവരും ഭക്ഷണം കഴിക്കുന്നതിനായി റിസോര്‍ട്ടിന്റെ ഭക്ഷണശാലയിലെത്തിയെങ്കിലും രണ്ടു പേര്‍ കുറവുള്ളതായി കാണുകയായിരുന്നു. തുടര്‍ന്ന് അധ്യാപകര്‍ നടത്തിയ തിരച്ചിലിലാണ് രണ്ടു പേരെയും അബോധാവസ്ഥയില്‍ ഇവരുടെ മുറിയുടെ ശുചി മുറിയില്‍ കണ്ടെത്തിയത്.
ഉടന്‍ തന്നെ ഇരുവരെയും ടാറ്റാ ഹൈറേഞ്ച് ആശുപത്രിയിലെത്തിക്കുകയായിരുന്നു. വെള്ളം ചൂടാക്കുന്നതിനുപയോഗിക്കുന്ന ഗ്യാസ് ഗീസറില്‍ നിന്നുള്ള വിഷവാതകം ശ്വസിച്ചതാകാം കാരണമെന്നാണ് പ്രാഥമിക നിഗമനം. സംഭവത്തില്‍ പൊലീസ് അന്വേഷണം ആരംഭിച്ചു.
മരണത്തിന് ശേഷവും നമ്മെ കുറിച്ചോര്‍ക്കുമ്പോള്‍ മറ്റൊരാളുടെ കണ്ണ് നിറയുന്നത് നാം അവര്‍ക്ക് നല്‍കിയ സന്തോഷങ്ങളുടെയും സ്‌നേഹത്തിന്റെയും ഓര്‍മയിലാവണം
