അയർലണ്ടിൽ അമ്മയെ രക്ഷിക്കാൻ ശ്രമിക്കുന്നതിനിടെ 8 വയസ്സുകാരിയായ പെൺകുട്ടി കുത്തേറ്റു മരിച്ചു. വെക്സ്ഫോർഡിലെ ന്യൂ റോസിൽ, മാലികിക അൽ കതിബ് എന്ന എട്ടു വയസ്സുകാരിയാണ് ദാരുണമായി കൊല്ലപ്പെട്ടത്. ഞായറാഴ്ച രാത്രി വീട്ടിൽ ഉണ്ടായ ആക്രമണത്തിനിടെയാണ് സംഭവം. 8-year-old girl dies after being stabbed while trying to save her mother from attacker
മാതാവിന് നേരെ കത്തി ഉപയോഗിച്ചുള്ള ആക്രമണം നടക്കുന്നത് കണ്ട മാലികിക, അമ്മയെ രക്ഷിക്കാനായി ഓടിയെത്തിയപ്പോൾ പ്രതി കത്തിയുമായി കുട്ടിയെ ആക്രമിക്കുകയായിരുന്നു. . തുടർന്ന് കുട്ടിക്ക് രണ്ടിലധികം കുത്തേറ്റതായി റിപ്പോർട്ടിൽ പറയുന്നു.
സംഭവ സ്ഥലത്ത് 30-കളിൽ പ്രായമുള്ള മറ്റൊരു പുരുഷനെയും ചെറിയ പരിക്കുകളോടെ കണ്ടെത്തിയിട്ടുണ്ട്.
ഇയാളാണ് കുറ്റ കൃത്യം ചെയ്തിരിക്കുന്നതെന്ന് സംശയിക്കുന്നതായി ഗാര്‍ഡ വൃത്തങ്ങള്‍ അറിയിച്ചു.
ഇയാള്‍ വാട്ടർഫോർഡ് സർവകലാശാല ആശുപത്രിയിൽ തിങ്കളാഴ്ച രാത്രി ചികിത്സയിൽ ആയിരുന്നു. ഈ വ്യക്തി മിഡിൽ ഈസ്റ്റ് നിന്നുള്ള ആളാണെന്നും, എന്നാൽ കുറെ വർഷങ്ങളായി ന്യൂ റോസിൽ താമസിക്കുന്നതായും ഗാര്‍ഡ പറഞ്ഞു.
മാലികികയുടെ അമ്മ അലിഷ, ഐറിഷ് വംശജയും ഇസ്ലാമിലേക്ക് മതം മാറിയയാളുമാണ്. ആക്രമണത്തിൽ മാലികികയ്ക്ക് ഗുരുതരമായ പരിക്കേറ്റു. പ്രദേശത്തെ ആരോഗ്യ പ്രവര്‍ത്തകര്‍ അവളെ രക്ഷിക്കാൻ ഉടൻ ശ്രമിച്ചെങ്കിലും പരിക്ക് ഗുരുതരമായിരുന്നതിനാല്‍ വാട്ടർഫോർഡ് സർവകലാശാല ആശുപത്രിയിലേക്ക് കൊണ്ടുപോയെങ്കിലും, തിങ്കളാഴ്ച പുലര്‍ച്ചെ മരണപ്പെടുകയായിരുന്നു.
മാലികികയുടെ അമ്മ അലിഷക്കും ആക്രമണത്തിൽ പരിക്കേറ്റു. അവരെ തിങ്കളാഴ്ച രാത്രി വാട്ടർഫോർഡ് സർവകലാശാല ആശുപത്രിയിൽ പ്രവേശിപ്പിച്ചു, മാലികിക വിദ്യാർത്ഥിയായിരുന്ന ന്യൂ റോസ് എഡ്യൂക്കേറ്റ് ടുഗതർ നാഷണൽ സ്കൂൾ സംഭവത്തിൽ അഗാധ ദുഃഖം രേഖപ്പെടുത്തി.
