₹500 നോട്ടുകൾക്ക് വിലയുണ്ട്; പിൻവലിക്കൽ വാർത്തകൾ അടിസ്ഥാനരഹിതമെന്ന് പി.ഐ.ബി
ന്യൂഡൽഹി: രാജ്യത്ത് 500 രൂപ നോട്ടുകൾ നിരോധിക്കപ്പെടും, 2026 മാർച്ചോടെ റിസർവ് ബാങ്ക് പിൻവലിക്കും എന്ന തരത്തിൽ സോഷ്യൽ മീഡിയയിൽ വ്യാപകമായി പ്രചരിക്കുന്ന വാർത്തകൾ പൂർണമായും വ്യാജമാണെന്ന് കേന്ദ്ര സർക്കാർ വ്യക്തമാക്കി.
ഇത്തരത്തിലുള്ള തെറ്റായ പ്രചാരണങ്ങൾ ശ്രദ്ധയിൽപ്പെട്ടതിനെ തുടർന്നാണ് പ്രസ് ഇൻഫർമേഷൻ ബ്യൂറോ (PIB) യുടെ ഫാക്ട് ചെക്ക് വിഭാഗം ഔദ്യോഗിക വിശദീകരണവുമായി രംഗത്തെത്തിയത്.
ഫാർമസി, ഹെൽത്ത് ഇൻസ്പെക്ടർ കോഴ്സുകൾ: ഒഴിവുള്ള സീറ്റുകളിലേക്ക് സ്പോട്ട് അലോട്ട്മെന്റ്
പ്രചാരണം വ്യാജം; നോട്ടുകൾ നിയമപരമായി നിലനിൽക്കും
500 രൂപ നോട്ടുകൾ പിൻവലിക്കാനോ നിരോധിക്കാനോ റിസർവ് ബാങ്ക് ഇതുവരെ യാതൊരു തീരുമാനവും എടുത്തിട്ടില്ലെന്ന് PIB വ്യക്തമാക്കി.
സോഷ്യൽ മീഡിയയിൽ പ്രചരിക്കുന്ന സന്ദേശങ്ങൾക്ക് ഔദ്യോഗിക സ്ഥിരീകരണമില്ല.
നിലവിൽ 500 രൂപ നോട്ടുകൾക്ക് പൂർണമായും നിയമപരമായ മൂല്യം നിലനിൽക്കുന്നുണ്ടെന്നും സാധാരണ ഇടപാടുകൾക്ക് തടസ്സമില്ലാതെ ഉപയോഗിക്കാമെന്നും അധികൃതർ അറിയിച്ചു.
അടിസ്ഥാനരഹിതമായ അഭ്യൂഹങ്ങൾ വിശ്വസിക്കരുതെന്നും, തെറ്റായ വിവരങ്ങൾ മറ്റുള്ളവരിലേക്ക് പങ്കുവെക്കുന്നത് ഒഴിവാക്കണമെന്നും കേന്ദ്ര സർക്കാർ മുന്നറിയിപ്പ് നൽകി.
പാർലമെന്റിലും നേരത്തെ വിശദീകരണം
500 രൂപ നോട്ടുകളെക്കുറിച്ചുള്ള അഭ്യൂഹങ്ങൾ ഇത് ആദ്യമായല്ല ഉയരുന്നത്.
കഴിഞ്ഞ ജൂണിലും സമാന രീതിയിൽ ഒരു വാർത്താ ചാനലിന്റെ വീഡിയോ തെറ്റായി പ്രചരിപ്പിക്കപ്പെട്ടിരുന്നു.
ഇതിന് പിന്നാലെ, കഴിഞ്ഞ ഓഗസ്റ്റിൽ ധനകാര്യ സഹമന്ത്രി പങ്കജ് ചൗധരി പാർലമെന്റിൽ ഈ വിഷയത്തിൽ വ്യക്തത വരുത്തിയിരുന്നു.
500 രൂപ നോട്ടുകളുടെ വിതരണം നിർത്താനുള്ള യാതൊരു പദ്ധതിയും സർക്കാരിനില്ലെന്നും,
ATM-കളിലൂടെ 100, 200 രൂപ നോട്ടുകളോടൊപ്പം 500 രൂപ നോട്ടുകളും ലഭ്യമാകുമെന്നും അദ്ദേഹം വ്യക്തമാക്കിയിരുന്നു.
English Summary:
The Union Government has clarified that reports claiming ₹500 currency notes will be withdrawn by March 2026 are completely false. The Press Information Bureau (PIB) confirmed that the Reserve Bank of India has taken no decision to discontinue ₹500 notes, which remain legal tender. Citizens have been advised not to believe or circulate unverified social media claims.
