ആലപ്പുഴ: ആലപ്പുഴയിൽ 50 കാരനെ കാറിനുള്ളില് മരിച്ച നിലയില് കണ്ടെത്തി. മാവേലിക്കര ഓലകെട്ടി തെക്കേക്കര ഗ്രാമപഞ്ചായത്ത് 14-ാം വാര്ഡില് അരുണാലയത്തില് അരുൺ ആണ് മരിച്ചത്. ഭരണിക്കാവ് കൊച്ചമ്പലത്തിന് കിഴക്കുഭാഗത്താണ് സംഭവം.(50-year-old man was found dead inside a car in Alappuzha)
മാരുതി സ്വിഫ്റ്റ് കാറില് പിന്സീറ്റില് കമിഴ്ന്നു കിടക്കുന്ന നിലയിലാണ് മൃതദേഹം കണ്ടെത്തിയത്. കഴിഞ്ഞദിവസം സുഹൃത്തുക്കള്ക്കൊപ്പം വീട്ടില് നിന്നും ഇറങ്ങിയതാണെന്ന് ബന്ധുക്കള് പറയുന്നു. കുറത്തികാട് പൊലീസ് എത്തി പരിശോധന നടത്തി.
ആലപ്പുഴയില് നിന്നുമുള്ള വിരലടയാള വിദഗ്ധരും ഫോറന്സിക് വിദഗ്ധരും സ്ഥലത്തെത്തി. സംഭവത്തില് കൊച്ചമ്പലത്തിന് സമീപം താമസിക്കുന്ന വിമുക്തഭടനായ മഹേഷിനെ കുറത്തികാട് പൊലീസ് കസ്റ്റഡിയിലെടുത്തിട്ടുണ്ട്. മറ്റൊരാളെയും പൊലീസ് കസ്റ്റഡിയിലെടുത്തതായാണ് വിവരം. മൃതദേഹം കണ്ടെത്തിയ കാര് മഹേഷിന്റേതാണ്.
