സിനിമയെ വെല്ലുന്ന രീതിയിൽ നടുറോഡിൽ വിവാഹ സംഘത്തിന്റെ കൂട്ടയടി. ആലപ്പുഴ ചാരുംമൂട് ആണ് സംഭവം. വിവാഹം കഴിഞ്ഞ വധുവിനെയും വരണേയുമായി ആഘോഷപൂർവ്വം വീട്ടിലേക്ക് വന്ന സംഘവും വഴിയിൽ പിന്നാലെ വന്ന കാറുകാരും തമ്മിലാണ് സംഘർഷമുണ്ടായത്. തമ്മിൽത്തല്ലിൽ ഇരു പക്ഷത്തും നിരവധി പേർക്ക് പരിക്കേറ്റു ഗതാഗതവും സ്തംഭിച്ചു, പോലീസ് കേസും എടുത്തു.
സംഭവം ഇങ്ങനെ :
ഞായറാഴ്ച വൈകിട്ടാണ് സംഭവങ്ങളുടെ തുടക്കം. വൈകിട്ട് നാലരയോടെ ചാരുമൂട്ടിൽ നടന്ന ഒരു വിവാഹത്തിന് ശേഷം വിവാസംഘം വീട്ടിലേക്ക് പോവുകയായിരുന്നു. യുവാക്കളുടെ സംഘം ഫോൺ അടിച്ചു ലൈറ്റും ഒക്കെയായി വഴിയിൽ തടസ്സങ്ങൾ സൃഷ്ടിച്ചാണ് മുന്നോട്ടുപോയത്. വഴിമുടക്കിയുള്ള ഈ ആഘോഷം പിന്നാലെ വന്ന മറ്റൊരു കാറിലെ യാത്രക്കാരൻ ചോദ്യം ചെയ്തതോടെയാണ് സംഘർഷം ആരംഭിച്ചത്. സംസാരം പിന്നീട് ഉന്തും തള്ളും കൂട്ടത്തല്ലുമായി മാറുകയായിരുന്നു. ഇതിനിടെയാണ് കൈയ്ക്കും കാലിനും പരിക്കേറ്റ നാലുപേർ ആശുപത്രിയിലായത്. പോലീസ് സ്ഥലത്തെത്തി സംഭവം നിയന്ത്രണത്തിലാക്കി. ഇരുകൂട്ടർക്കും എതിരെ പോലീസ് കേസെടുത്തു.
