തമിഴ്നാട്ടിലെ മെഡിക്കൽ- ദന്തൽ കോഴ്‌സുകൾ പൂർത്തിയാക്കുന്ന വിദ്യാർഥികൾ അഞ്ചു വർഷം ഗ്രാമീണ മേഖലയിൽ നിർബന്ധമായി ജോലി ചെയ്യണമെന്ന്സർക്കാർ ഉത്തരവ്. സർക്കാർ – സ്വകാര്യ മേഖലകളിൽ പഠിക്കുന്ന എല്ലാവർക്കും ഈ ബോണ്ട് നിർബന്ധമാണ്. ബോണ്ട് വ്യവസ്ഥകൾ ലംഘിക്കുന്നവർ അഞ്ച് ലക്ഷം രൂപ പിഴയായി നൽകണം.10 lakh fine for those who drop out of medical, dental and courses during their studies
പഠനത്തിനിടയിൽ മെഡിക്കൽ- ദന്തൽ, കോഴ്‌സുകൾ ഉപേക്ഷിച്ചു പോകുന്നവർ 10 ലക്ഷം പിഴയായി നൽകണമെന്ന വ്യവസ്ഥയും പുതുതായി കൊണ്ടുവന്നിട്ടുണ്ട്. 2024- 25 അധ്യയന വർഷത്തെ പ്രോസ്‌പെക്ടസിൽ ബോണ്ട് വ്യവസ്ഥകളെക്കുറിച്ച് വിശദമായി പ്രതിപാദിച്ചിട്ടുണ്ട്. എൻആർഐ, മാനേജ്‌മെന്റ്, ന്യൂനപക്ഷ കോട്ടാകളിൽ പ്രവേശനം നേടിയവർക്കും ബോണ്ട് വ്യവസ്ഥകൾ ബാധകമാണ്.
മെഡിക്കൽ പ്രാക്ടീഷണറായി രജിസ്റ്റർ ചെയ്ത് രണ്ട് വർഷത്തിനുള്ളിൽ സർക്കാർ നിർദ്ദേശിക്കുന്ന ഗ്രാമങ്ങളിൽ അഞ്ച് വർഷത്തിൽ കുറയാതെ ജോലി ചെയ്യാൻ തയ്യാറാകണം എന്നാണ് വ്യവസ്ഥ. ബോണ്ട് വ്യവസ്ഥ ലംഘിച്ചാൽ പിഴ നൽകണമെന്നത് ഉടമ്പടി വ്യവസ്ഥയുടെ മൂന്നാം വകുപ്പിൽ വ്യക്തമാക്കിയിട്ടുണ്ട്.
