മെസി ശരിക്കും വരേണ്ടിയിരുന്നത് കേരളത്തിലാണെന്ന് ഫെർണാണ്ടോ ബ്രെന്നർ
ഫുട്ബോളിനോടും സിനിമയോടും ഒരുപോലെ അതീവ താൽപര്യമുള്ള അർജന്റീനിയൻ സിനിമാ നിരൂപകനും ക്യൂറേറ്ററും സിനിമ കൺസൾട്ടന്റുമായ ഫെർണാണ്ടോ ബ്രെന്നർ, കേരള രാജ്യാന്തര ചലച്ചിത്രമേളയുടെ 30-ാം പതിപ്പിൽ ലാറ്റിൻ അമേരിക്കൻ സിനിമകൾ ക്യൂറേറ്റ് ചെയ്യുന്നതിന്റെ ഭാഗമായി കേരളത്തിലെത്തിയപ്പോൾ ഫുട്ബോളിനെയും ലയണൽ മെസിയെയും കുറിച്ച് ആവേശത്തോടെ സംസാരിച്ചു.
അർജന്റീനയിൽ മെസി ഇന്നും അത്യന്തം പ്രാധാന്യമുള്ള വ്യക്തിയാണെന്ന് ബ്രെന്നർ പറഞ്ഞു. കേരളത്തിൽ മെസിക്കായി കണ്ട അത്ഭുതകരമായ ആരാധന തന്നെ അതിശയിപ്പിച്ചെന്നും, ഇവിടുത്തെ ഫുട്ബോൾ ആവേശം അസാധാരണമാണെന്നും അദ്ദേഹം വ്യക്തമാക്കി.
“മെസി ശരിക്കും വരേണ്ടിയിരുന്നത് കേരളത്തിലായിരുന്നു” എന്നായിരുന്നു ബ്രെന്നറിന്റെ വാക്കുകൾ.
30-ാമത് മേളയിൽ തെരഞ്ഞെടുത്ത ലാറ്റിൻ അമേരിക്കൻ സിനിമകൾ പലതും ഏതെങ്കിലും രീതിയിൽ കുടിയേറ്റത്തെ ആസ്പദമാക്കിയവയാണെന്നും, ആ പാക്കേജിലെ പ്രധാന ചിത്രങ്ങളിൽ ഒന്നാണ് എൽഡർ സൺ എന്നും അദ്ദേഹം പറഞ്ഞു.
ഏകദേശം 50 വർഷങ്ങൾക്ക് മുമ്പ് ലാറ്റിൻ അമേരിക്കൻ സിനിമകൾ ശക്തമായ രാഷ്ട്രീയ നിലപാടുകൾ ഉൾക്കൊള്ളുന്നതായിരുന്നുവെന്നും, പിന്നീട് അവ കൂടുതൽ ഫാന്റസി സ്വഭാവമുള്ള കഥകളിലേക്ക് മാറിയെന്നും ബ്രെന്നർ നിരീക്ഷിച്ചു.
അർജന്റീന സിനിമയിലെ വലിയ വഴിത്തിരിവ് 1990കളുടെ മധ്യത്തിൽ ആരംഭിച്ച ‘നൂവോ സിനെ അർജന്റീനോ’ പ്രസ്ഥാനമാണെന്നും,
കുറഞ്ഞ ബജറ്റുകളും പ്രൊഫഷണൽ അല്ലാത്ത അഭിനേതാക്കളും ഉപയോഗിച്ച് ആ പ്രസ്ഥാനം സിനിമയുടെ മുഖച്ഛായ തന്നെ മാറ്റിയതായും അദ്ദേഹം കൂട്ടിച്ചേർത്തു.
ഇന്ത്യയിലെത്തിയ അനുഭവങ്ങൾ പങ്കുവെച്ച ബ്രെന്നർ, തന്റെ സഹപ്രവർത്തകർ പലപ്പോഴും ഇന്ത്യയെ ബോളിവുഡ് കേന്ദ്രീകൃതമായ കാഴ്ചപ്പാടിലൂടെയാണ് കാണുന്നതെന്ന് പറഞ്ഞു.
“സുഗന്ധവ്യഞ്ജനങ്ങൾ, ബോളിവുഡ്, മലിനമായ വെള്ളമുള്ള സ്ഥലം — ഇന്ത്യയെ കുറിച്ച് അവർ പറയുന്നത് ഇതാണ്.
എന്നാൽ ഇവിടെയുള്ള സിനിമ യഥാർത്ഥത്തിൽ എന്താണെന്നും, ഐഎഫ്എഫ്കെ എന്താണ് പ്രതിനിധീകരിക്കുന്നതെന്നും എനിക്ക് വ്യക്തമാണ്.
മലയാള സിനിമയുടെ വിഷയ വൈവിധ്യവും ആഴമേറിയ പ്രമേയങ്ങളും ഏറെ ശ്രദ്ധേയമാണ്,” അദ്ദേഹം പറഞ്ഞു.
English Summary
Argentine film critic and curator Fernando Brenner, who helped curate Latin American films at the 30th IFFK, expressed his admiration for Kerala’s deep football culture and the immense popularity of Lionel Messi.
fernando-brenner-on-messi-football-and-malayalam-cinema
Fernando Brenner, Lionel Messi, Football in Kerala, IFFK 2025, Latin American cinema, Argentine cinema, Malayalam cinema
