കഴിഞ്ഞ ഏപ്രിൽ 19നായിരുന്നു കേസിനാസ്പദമായ സംഭവം
തൃശൂർ: കോളേജ് വിദ്യാർഥികളെ കാറിടിച്ചു കൊലപ്പെടുത്താൻ ശ്രമിച്ച കേസിൽ യൂട്യൂബർ മണവാളൻ അറസ്റ്റിൽ. കുടകിൽ ഒളിവിൽ കഴിയുന്നതിനിടെയാണ് തൃശൂർ എരനല്ലൂർ സ്വദേശിയായ മുഹമ്മദ് ഷഹീൻ ഷാ(26)യെ പോലീസ് പിടികൂടിയത്. തൃശ്ശൂർ സിറ്റി ഷാഡോ പോലീസ് ആണ് ഇയാളെ അറസ്റ്റ് ചെയ്തത്.(Youtuber manavalan arrested)
ഇവിടെ നിന്നും പ്രതിയെ തൃശ്ശൂർ വെസ്റ്റ് സ്റ്റേഷനിൽ എത്തിക്കും. കഴിഞ്ഞ ഏപ്രിൽ 19നായിരുന്നു കേസിനാസ്പദമായ സംഭവം നടന്നത്. കേരളവര്മ്മ കോളേജ് റോഡില് വച്ച് മോട്ടോര് സൈക്കിളില് യാത്ര ചെയ്യുകയായിരുന്നു രണ്ട് കോളേജ് വിദ്യാര്ത്ഥികളെ കാറിടിച്ചു കൊലപ്പെടുത്താനാണ് പ്രതി ശ്രമിച്ചത്.
മണവാളന് മീഡിയ എന്ന യൂട്യൂബ് ചാനലിന്റെ ഉടമയായ ഇയാൾക്ക് 15 ലക്ഷം സബ്സ്ക്രൈബേഴ്സുണ്ട് ചാനലിന്. തൃശ്ശൂര് വെസ്റ്റ് പോലീസ് ഇയാൾക്കെതിരെ ലുക്ക് ഔട്ട് സര്ക്കുലര് പുറപ്പെടുവിച്ചിരുന്നു.
