വിൽപ്പനയ്ക്കായി കൊണ്ടുവന്ന എംഡിഎംഎ ഒളിപ്പിച്ചത് മലദ്വാരത്തിൽ; വിനു പിടിയിലായത് ഇങ്ങനെ

തൃശൂർ: വിൽപ്പനയ്ക്കായി കൊണ്ടുവന്ന എംഡിഎംഎ ഒളിപ്പിച്ചത് മലദ്വാരത്തിൽ, എന്നിട്ടും യുവാവ് കുടുങ്ങി. എറണാകുളം വാതിരുത്തി സ്വദേശിയായ നിഗരത്തിൽ വീട്ടിൽ ആന്റണി എന്നുവിളിക്കുന്ന വിനു (38)ആണ് എംഡിഎംഎയുമായി പിടിയിലായത്.

ഇയാൾ മല​ദ്വാരത്തിലൊളിപ്പിച്ച 38.55 ഗ്രാം എംഡിഎംഎയും ഡാൻസാഫ് സംഘം പിടിച്ചെടുക്കുകയായിരുന്നു. ഡാൻസാഫ് സബ് ഇൻസ്‌പെക്ടർ കെ.സി ബൈജുവിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്.

ബുധനാഴ്ചയാണ് സംഭവം നടന്നത്. പീച്ചി പൊലീസ് സ്റ്റേഷൻ പരിധിയിലെ മുടിക്കോട് എന്ന സ്ഥലത്തുവച്ചാണ് ആന്റണി പിടിയിലായത്.

കെ എസ് ആർ ടി സി ബസ്സിൽ ഡാൻസാഫ് സംഘം നടത്തിയ പരിശോധനയ്ക്കിടെ അസ്വഭാവികമായി പെരുമാറിയ ഒരാളെ ചോദ്യം ചെയ്യുകയായിരുന്നു.

ഇയാൾ ശാരീരിക അസ്വസ്ഥതകളും പ്രകടിപ്പിച്ചതിനെ തുടർന്ന് തൃശൂർ ജനറൽ ആശുപത്രിയിൽ എത്തിക്കുകയായിരുന്നു. എക്‌സ്‌റേ എടുത്തതിൽ മലദ്വാരത്തിൽ അസ്വഭാവികമായി ഒരു വസ്തു കണ്ടെത്തി.

പിന്നീട് തൃശൂർ മെഡിക്കൽ കോളേജിലെത്തി നടത്തിയ വിശദമായ പരിശോധനയിൽ മലദ്വാരത്തിൽ നിന്നും ഇൻസുലേഷൻ ടേപ്പ്‌കൊണ്ട് ഒട്ടിച്ച നിലയിലുള്ള 38.55 ഗ്രാം എം ഡി എം എ കണ്ടെടുക്കുകയായിരുന്നു.

കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ഡാൻസാഫ് സബ് ഇൻസ്‌പെ്കടർ കെ.സി ബൈജുവിന്റെ നേതൃത്വത്തിലുള്ള അന്വേഷണ സംഘത്തിൽ സബ് ഇൻസ്‌പെ്ക്ടർമാരായ ഷാജു, ഗോപാലൻ സീനിയർ സിവിൽ പോലീസ് ഓഫീസർ അനിൽകുമാർ എസ് സിവിൽ പോലീസ് ഓഫീസർമാരായ വിപിൻദാസ്, കിഷാൽ എന്നിവരാണ് ഉണ്ടായിരുന്നത്.

അത് ആട്ടിറച്ചിയല്ല, പോത്തിന്റെ ഇറച്ചിയായിരുന്നു; കടയുടമയുടെ വെളിപ്പെടുത്തൽ വൈറൽ; ദൈവകോപം വരാതിരിക്കാൻ തല മൊട്ടയടിച്ചത് മുന്നൂറിലധികം പേർ

ഭുവനേശ്വർ: മട്ടൺ വിഭവങ്ങളെന്ന വ്യാജേനെ ബീഫ് ഐറ്റങ്ങളുണ്ടാക്കി വിറ്റ ഹോട്ടൽ പൂട്ടിച്ചു. ബീഫ് കലർന്ന മട്ടൺ തിന്ന മുന്നൂറിലധികം പേർ ദൈവകോപം വരാതിരിക്കാൻ തല മൊട്ടയടിച്ചതിന് പുറമെ പൂജാദികർമ്മങ്ങളും ശുദ്ധികലശവും നടത്തിയതായാണ് റിപ്പോർട്ട്. ഒഡീഷയിലെ പുരി ജില്ലയിലെ ചന്ദൻപൂർ ഗ്രാമത്തിലാണ് സംഭവം നടന്നത്.

ഭുവനേശ്വർ – പുരി നാഷണൽ ഹൈവേയിലുള്ള റസ്‌റ്റൊറന്റ് മട്ടൺ വിഭവങ്ങൾക്ക് വളരെ പ്രശസ്തമാണ്. ഈ മാസം ആറിന് ആട്ടിറച്ചി വ്യാപാരിയുടേതായി വന്ന വീഡിയോ സന്ദേശം നാട്ടുകാരെ ഞെട്ടിക്കുകയായിരുന്നു.

ആട്ടിറച്ചിയുടെ മറവിൽ താൻ ഈ ഹോട്ടലിൽ കൊടുക്കുന്ന മാംസത്തിൽ ബീഫ് കലർത്തി വിൽക്കാറുണ്ടെന്ന് ഗോ സംരക്ഷകർക്ക് മുമ്പിൽ തുറന്ന് പറയുന്നതായിരുന്നു വീഡിയോയിൽ ഉണ്ടായിരുന്നത്. ഈ ദൃശ്യങ്ങൾ നാടാകെ പരന്നത്തോടെ ഭക്ഷ്യ സുരക്ഷാ അധികൃതർ പ്രശ്‌നത്തിൽ ഇടപെടുകയായിരുന്നു.

റസ്റ്റൊറന്റ് ഉടമയെ ചോദ്യം ചെയ്തു. പിന്നീട്മാംസത്തിന്റെ സാമ്പിളുകൾ കൂടുതൽ പരിശോധനക്കായി ലാബിലേക്ക് അയച്ചു. സംഭവം വിവാദമുണ്ടായതിനെ തുടർന്ന് കട പൂട്ടിച്ചു. അനിഷ്ട സംഭവങ്ങൾ നടക്കാതിരിക്കാൻ പ്രദേശത്ത് പോലീസ് ബന്തവസ് ഏർപ്പെടുത്തി.

ബീഫ് തിന്ന സംഭവം പുറത്തറിഞ്ഞതോടെ ഗ്രാമത്തിലെ ക്ഷേത്ര പൂജാരി ശുദ്ധികർമ്മങ്ങൾ നടത്താൻ ബീഫ് തിന്നവരോട് നിർദ്ദേശിക്കുകയായിരുന്നു. രണ്ട് ദിവസം നീണ്ടു നിന്ന പൂജകളും പരിഹാരക്രിയ കളുമാണ് പൂജാരി വിധിച്ചത്.

ബീഫ് കഴിച്ചവർ തല മുണ്ഡനം ചെയ്യുന്നതിന് പുറമേ, പുണ്യസ്‌നാനം, ശുദ്ധികലശം, പുണ്യാഹം തളിക്കൽ, തുടങ്ങിയ കർമ്മങ്ങൾ അനുഷ്ടിച്ച് വരികയാണ്. ഇതു കൂടാതെ ഗോമൂത്രം കുടിക്കാനും പൂജാരി കല്പിച്ചിട്ടുണ്ട്.

ഹോട്ടലുകളിൽ കൃത്യമായ ഇടവേളകളിൽ ഭക്ഷ്യ സുരക്ഷാ വകുപ്പ് പരിശോധന നടത്തണമെന്ന് ജില്ലാ ഭരണ കൂടം നിർദ്ദേശം നൽകി.

spot_imgspot_img
spot_imgspot_img

Latest news

ആശങ്കകൾക്ക് വിരാമം, സുനിത വില്യംസ് തിരിച്ചെത്തുന്നു;സ്‌പേസ് എക്‌സ് ക്രൂ 10 ദൗത്യം ഇന്ന്

വാഷിങ്ടൺ: ഒന്‍പതു മാസമായി അന്താരാഷ്‌ട്ര ബഹിരാകാശ നിലയത്തിൽ കുടുങ്ങിക്കിടക്കുന്ന സുനിത വില്യംസിന്‍റെയും...

മദ്യലഹരിയിൽ ആക്രമണം; പെരുമ്പാവൂരില്‍ മകന്‍ അച്ഛനെ ചവിട്ടിക്കൊന്നു

കൊച്ചി: പെരുമ്പാവൂരിൽ മദ്യലഹരിയില്‍ അച്ഛനെ ചവിട്ടിക്കൊന്ന മകനെ അറസ്റ്റ് ചെയ്ത് പോലീസ്....

സ്‌പേസ് എക്‌സ് ക്രൂ 10 വിക്ഷേപണം മാറ്റി; സുനിത വില്യംസിൻ്റെ ഭൂമിയിലേക്കുള്ള തിരിച്ചുവരവ് നീളും

കാലിഫോര്‍ണിയ: ബഹിരാകാശത്ത് തുടരുന്ന സുനിത വില്യംസി​ന്റെ മടക്കയാത്ര വീണ്ടും നീളുന്നു. സ്‌പേസ്...

സംസ്ഥാന ഭാഗ്യക്കുറി വകുപ്പിന്റെ സെർവർ ഹാക്ക് ചെയ്യാൻ ശ്രമിച്ചത് 150 വട്ടം; മൂവാറ്റുപുഴ സ്വദേശിക്കെതിരെ കേസ്

കൊച്ചി: സംസ്ഥാന ഭാഗ്യക്കുറി വകുപ്പിന്റെ അതീവസുരക്ഷ സംവിധാനമുള്ള സെർവർ ഹാക്ക് ചെയ്യാൻ...

പാതിവില തട്ടിപ്പ് കേസ്: ആനന്ദകുമാറിന്റെ മുൻകൂർ ജാമ്യാപേക്ഷ തള്ളി: ക്രൈംബ്രാഞ്ച് കസ്റ്റഡിയില്‍

തിരുവനന്തപുരം: വിവാദമായ പാതിവില തട്ടിപ്പ് കേസില്‍ സായിഗ്രാം ട്രസ്റ്റ് ചെയര്‍മാന്‍ കെ.എന്‍....

Other news

സാമ്പത്തിക തർക്കം; യുവാവിനെ കുത്തിക്കൊലപ്പെടുത്തിയത് സുഹൃത്ത്

പാലക്കാട് : വടക്കഞ്ചേരിയിൽ യുവാവിനെ കുത്തിക്കൊലപ്പെടുത്തിയത് അടുത്ത സുഹൃത്ത്. വടക്കഞ്ചേരി മംഗലം...

87 ഭാരവാഹികളെ സസ്‌പെന്‍ഡ് ചെയ്ത് കെഎസ്‌യു; കാരണമിതാണ്

തിരുവനന്തപുരം: കെഎസ്‌യുവില്‍ ഭാരവാഹികൾക്കെതിരെ കൂട്ട നടപടി. 107 ഭാരവാഹികളെ പാർട്ടി സസ്‌പെന്‍ഡ്...

കേരളത്തിലെ ഭൂരിപക്ഷം ബ്രാഹ്‌മണ കുടുംബങ്ങളും പട്ടിണിയിൽ…കെപിസിസി പരിപാടിയിൽ ഇടതു നേതാവ് പറഞ്ഞത്…

തിരുവനന്തപുരം: സംസ്ഥാനത്തെ ബ്രാഹ്‌മണർക്ക് കായികാധ്വാനമുള്ള ജോലികൾ ചെയ്യാൻ സാധിക്കില്ലെന്ന് മുൻ മന്ത്രിയും...

സംസ്ഥാനത്ത് ഈ മൂന്നു സ്ഥലങ്ങളിൽ ഉയർന്ന അൾട്രാ വയലറ്റ് സൂചിക…! ജനങ്ങൾക്ക് ജാഗ്രതാ നിർദേശം:

കേരളത്തിൽ അൾട്രാ വയലറ്റ് സൂചിക ഉയരുന്നു. സംസ്ഥാന ദുരന്ത നിവാരണ അതോറിറ്റി...

കള്ളിങ് നടത്തിയതിന്റെ നഷ്ടപരിഹാരം അനുവദിച്ചതിന് പ്രത്യുപകാരം വേണം; തട്ടിപ്പിന്റെ പുതിയമുഖം; റെന്നി മാത്യു പിടിയിൽ

ആലപ്പുഴ: ആലപ്പുഴ ജില്ലാ വെറ്ററിനറി ഓഫീസറെന്ന വ്യാജേന കർഷകനെ കബളിപ്പിച്ച് ഫോണിലൂടെ...

12 കാരി നേരിട്ടത് ക്രൂര പീഡനം; യുവതി പിടിയിൽ

തളിപ്പറമ്പ്: പെൺകുട്ടിയെ ലൈംഗിക പീഡനത്തിനിരയാക്കിയ സംഭവത്തിൽ യുവതി പിടിയിൽ. തളിപ്പറമ്പ് പുളിമ്പറമ്പിലെ...

Related Articles

Popular Categories

spot_imgspot_img
error: Content is protected !!