വിമാനത്തിന്റെ പാസഞ്ചർ ക്യാബിനുള്ളിൽ കയറ്റാൻ പറ്റാത്ത നിരവധി സാധനങ്ങൾ ഉണ്ട്. ഇത്തരം സാധനങ്ങൾ ക്യാബിനിൽ കയറ്റുന്നത് അപകടം ക്ഷണിച്ചുവരുത്തും. അതുകൊണ്ടുതന്നെ എല്ലാ വിമാനങ്ങളും യാത്രയ്ക്കു മുമ്പ് ഇത്തരം സാധനങ്ങൾ ക്യാബിനുള്ളിൽ ഇല്ല എന്ന് ഉറപ്പുവരുത്താറുണ്ട്. (Young woman with sugar glider on the plane! Frightened commuters)
എന്നാൽ എല്ലാ വിമാന ജീവനക്കാരെയും പറ്റിച്ച് യുവതി നടത്തിയ സാഹസം മറ്റു യാത്രക്കാരെ തെല്ലൊന്നുമല്ല കുഴച്ചത്. ചൈനയിലെഒരു വിമാനയാത്രയിലാണ് സംഭവം ഉണ്ടായത്. ഇതേ തുടർന്ന് ഒരു മണിക്കൂറോളം വിമാനം വൈകി.
ജീവനുള്ള മൃഗങ്ങളെ പാസഞ്ചർ ക്യാബിനുകൾക്കുള്ളിൽ യാത്രക്കാരോടൊപ്പം കൊണ്ടുപോകുന്നത് ചൈനയിലെ സിവിൽ ഏവിയേഷൻ അതോറിറ്റി വിലക്കിയതാണ്. ചൈനയിലെ ഷാങ്ഹായിൽ നിന്നുള്ള യുവതിയെയാണ് തന്റെ പ്രിയപ്പെട്ട ഷുഗർ ഗ്ലൈഡറുമായി വിമാനത്തിൽ കയറിയത്. അധികൃതർ കാണാതെ ബാഗിനുള്ളിൽ ഒളിപ്പിച്ചാണ് യുവതി ഷുഗർ ഗ്ലൈഡറുമായി വിമാനത്തിനുള്ളിൽ കയറിയത്.
എന്നാൽ, വിമാനത്തിൽ കയറിയതും ഇവൻ ബാഗിനുള്ളിൽ നിന്നും പുറത്തുചാടി. അതോടെ മറ്റു യാത്രക്കാർ പരിഭ്രാന്തിയിലായി. തുടർന്ന് വിമാനത്തിനുള്ളിലെ യാത്രക്കാരെ മുഴുവൻ ഇറക്കി സീറ്റിനടിയിൽ ഒളിച്ചിരുന്ന ഷുഗർ ഗ്ലൈഡറിനെ പിടികൂടിയശേഷമാണ് വിമാനം യാത്ര ആരംഭിച്ചത്.
വിമാനം പറന്നുയരുന്നതിന് തൊട്ടുമുൻപായാണ് യുവതിയുടെ ബാഗിൽ നിന്നും ഷുഗർ ഗ്ലൈഡർ പുറത്തു ചാടിയത്. തുടർന്ന് വിമാനത്തിനുള്ളിലെ സീറ്റിനിടയിൽ ഒളിച്ച കക്ഷിയെ കണ്ടുപിടിക്കാനായി യാത്രക്കാരെ മുഴുവൻ വീണ്ടും വിമാനത്തിൽ നിന്നും പുറത്തിറക്കുകയായിരുന്നു. പിന്നീട് ഇതിനെ പിടികൂടിയതിനുശേഷമാണ് യാത്ര ആരംഭിച്ചത്. ഇതേ തുടർന്ന് ഒരു മണിക്കൂറോളം വിമാനം വൈകി.
