സ്കൂട്ടറിൽ തട്ടിയതിന് ക്ഷമ ചോദിച്ച യുവതിയെ പിന്തുടർന്നെത്തി കടന്നുപിടിച്ച് ചുംബിച്ച് യുവാവ്. കോയമ്പത്തൂരിൽ ആണ് സംഭവം നടന്നിരിക്കുന്നത്. തികച്ചും അപരിചിതനായ യുവാവാണ് പെൺകുട്ടിയോട് അതിക്രമം കാട്ടിയത്. കോയമ്പത്തൂർ സ്വദേശിയായ മുഹമ്മദ്‌ ഷെരീഫ് എന്ന യുവാവാണു അക്രമം കാട്ടിയത് ഇയാൾക്ക് ഭാര്യയും ഒരു മകനും ഉണ്ട്. Young man chases and kisses woman who apologizes for hitting him with scooter
സംഭവം ഇങ്ങനെ:
സ്കൂട്ടറിൽ യാത്ര ചെയ്യുന്നതിനിടെ കുഴിയിൽ വീഴാതിരിക്കാനായി വെട്ടിച്ചപ്പോൾ പെൺകുട്ടിയുടെ സ്കൂട്ടർ യുവാവിന്റെ സ്കൂട്ടറിൽ തട്ടിയിരുന്നു. ഇതിനെ പെൺകുട്ടി ചിരിച്ചുകൊണ്ട് ക്ഷമ ചോദിച്ചു.
എന്നാൽ ഇതോടെ പെൺകുട്ടിയെ പിന്തുടർന്ന യുവാവ് വണ്ടി തടഞ്ഞുനിർത്തി പെൺകുട്ടിയെ ഇറക്കിയശേഷം ബലമായി ചുംബിക്കുകയായിരുന്നു. കയ്യിലും കഴുത്തിലും ഇയാൾ ചുംബിച്ചതോടെ ഭയന്ന പെൺകുട്ടി ഇയാളെ തള്ളി മാറ്റി ഓടി.
പോലീസ് സ്റ്റേഷനിൽ എത്തി പരാതി നൽകിയതിനെ തുടർന്ന് പോലീസ് ഇയാളെ വിളിച്ചു വരുത്തിയപ്പോൾ വിചിത്രമായ ന്യായമാണ് ഇയാൾ ഉന്നയിച്ചത്. പെൺകുട്ടി തന്നെ നോക്കി ചിരിച്ചത് കൊണ്ടാണ് താൻ ചുംബിച്ചത് എന്നാണ് ഇയാൾ പോലീസിനോട് പറഞ്ഞത്. പെൺകുട്ടിയുടെ പരാതിയിൽ പോലീസ് ഇയാൾക്കെതിരെ കേസ് എടുത്തിട്ടുണ്ട്.
