ഹൈദരാബാദ്: ഹൈദരാബാദിലെ സന്ധ്യ തീയറ്ററിൽ പുഷ്പ 2 പ്രീമിയര് ഷോയ്ക്കിടെയുണ്ടായ തിക്കിലും തിരക്കിലും പെട്ട് യുവതി മരിച്ച സംഭവത്തിൽ പ്രതികരണവുമായി നടൻ അല്ലു അർജുൻ. തീയറ്ററിൽ ഉണ്ടായ ദാരുണ സംഭവത്തിൽ ഹൃദയം തകർന്നെന്ന് അല്ലു അർജുൻ പറഞ്ഞു. രേവതിയുടെ കുടുംബത്തിന് സാധ്യമായ എല്ലാ പിന്തുണയും നൽകുമെന്നും നടൻ കുടുംബത്തിന് 25 ലക്ഷം രൂപ ധനസഹായവും വാഗ്ദാനം ചെയ്തു.(Woman Dies in Stampede During Pushpa 2 Premiere show; Allu Arjun Offers Aid to Family)
എക്സിൽ പങ്കുവെച്ച വീഡിയോയിലൂടെയാണ് അല്ലു അർജുൻ ഇക്കാര്യം അറിയിച്ചത്. കുടുംബത്തെ നേരിട്ട് പോയി കാണുമെന്നും തീയറ്ററുകളിലേക്ക് പോകുമ്പോൾ കൂടുതൽ ശ്രദ്ധ പുലർത്തണമെന്നും അല്ലു വീഡിയോയിലൂടെ ആവശ്യപ്പെട്ടു.
ദിൽസുഖ് നഗറിലെ രേവതിയാണ് (39) തീയറ്ററിലെ തിക്കിലും തിരക്കിലുംപെട്ട് മരിച്ചത്. ഭര്ത്താവ് ഭാസ്കറിനും രണ്ട് മക്കള്ക്കുമൊപ്പമാണ് യുവതി സിനിമ കാണാനെത്തിയത്. അല്ലു അര്ജുനെ കാണാന് ആളുകള് ഉന്തും തള്ളുമുണ്ടാക്കിയതോടെയാണ് രേവതിയും മകനും ഇതിനിടയില്പെട്ടത്.
