ദുരൂഹ സാഹചര്യത്തിൽദുരൂഹ സാഹചര്യത്തിൽ ചെന്നൈ സെൻട്രൽ റെയിൽവേ സ്റ്റേഷനിൽ യുവതിയെ മരിച്ച നിലയിൽ കണ്ടെത്തിയ സംഭവത്തിൽ മൃതദേഹം ആരുടേതെന്ന് തിരിച്ചറിയാനാകാതെ പോലീസ്. റെയിൽവേ സ്റ്റേഷനിലെ ജീവനക്കാർക്ക് മാത്രം പ്രവേശനമുള്ള മേഖലയിൽ നിന്നും യുവതിയുടെ മൃതദേഹം കണ്ടെത്തിയത്. തിരിച്ചറിയൽ രേഖകൾ ഒന്നുമില്ലാത്ത യുവതിക്ക് ചുറ്റും പണം വലിച്ചെറിഞ്ഞ നിലയിലായിരുന്നു. കഴുത്തിൽ ഷാൾ മുറുക്കിയ നിലയിലായിരുന്നു മൃതദേഹം.
സംഭവം നടന്നു ഒരു ദിവസം പിന്നിട്ടിട്ടും ആരാണ് യുവതിയെന്നു പോലും റെയിൽവേ പോലീസിന് തിരിച്ചറിയാനായിട്ടില്ല. ചൊവ്വാഴ്ച പുലർച്ചെ 1.45 നാണ് ജീവനക്കാർക്കായുള്ള മേഖലയിൽ യുവതി എത്തിയത്. സമീപത്ത് വിശ്രമ മുറിയുള്ളതിനാൽ യുവതി മേഖലയിലേക്ക് കയറിപ്പോയത് സുരക്ഷാ ജീവനക്കാർ ശ്രദ്ധിച്ചില്ല. വിശ്രമമുറിക്ക് സമീപത്തുകൂടി യുവതി പൊതു ജനങ്ങൾക്ക് പ്രവേശമില്ലാത്ത മേഖലയിലേക്ക് കടക്കുകയായിരുന്നു. കയ്യിൽ ലഗേജുകളോന്നും ഇല്ലാതെ സ്റ്റേഷനിൽ എത്തിയ യുവതി എന്തിനാണ് റെയിൽവേ ജീവനക്കാർക്കായുള്ള മേഖലയിൽ എത്തിയതെന്ന കാര്യത്തിന്ലും ദുരൂഹത തുടരുകയാണ്. യുവതിയെക്കാൾ ഉയരം കുറവുള്ള റെയ്ക്കിൽ ഷാൾ കുരുക്കി, ഇരിക്കുന്ന നിലയിലാണ് മൃതദേഹം കണ്ടെത്തിയുടെത്. തമിഴ്നാട് സ്വദേശിയാമു എന്ന് മാത്രമാണ് പൊലീസിന് ഇപ്പോഴും പറയാനാവുന്നത്. പോസ്റ്റ്മോർട്ടം റിപ്പോർട്ട് ലഭിച്ചശേഷമേ മരണകാരണം വ്യക്തമാകൂ എന്നാണ് റെയിൽവേ പോലീസിന്റെ വിശദീകരണം.
