‘Who is Mr. D?’കൊച്ചിയിൽ ഗ്രാഫിറ്റി പോസ്റ്ററുകൾ; ഇത് യാദൃച്ഛികമല്ലെന്ന നിഗമനത്തിൽ അന്വേഷണ സംഘം
കൊച്ചി: കൊച്ചി നഗരത്തിന്റെ വിവിധ ഭാഗങ്ങളില് പ്രത്യക്ഷപ്പെട്ട ‘Who is Mr. D?’ എന്ന ഗ്രാഫിറ്റി പോസ്റ്ററുകളെക്കുറിച്ച് ഇന്റലിജന്സ് ഏജന്സികള് അന്വേഷണം ആരംഭിച്ചു.
ശബരിമലയില്നിന്ന് പഞ്ചലോഹ വിഗ്രഹങ്ങള് കടത്തിയതില് ‘മിസ്റ്റര് ഡി’ എന്ന വ്യക്തിക്ക് പങ്കുണ്ടെന്ന പ്രവാസി വ്യവസായിയുടെ വെളിപ്പെടുത്തലുകള് പുറത്തുവന്നതിനു പിന്നാലെയാണ് എം.ജി റോഡ് ഉള്പ്പെടെ നഗരത്തിലെ പ്രധാന കേന്ദ്രങ്ങളില് അജ്ഞാതന്റെ രേഖാചിത്രത്തോടുകൂടിയ പോസ്റ്ററുകള് പ്രത്യക്ഷപ്പെട്ടത്.
ഇത് യാദൃച്ഛികമല്ലെന്ന നിഗമനത്തിലാണ് അന്വേഷണ സംഘം.
ഡിസംബര് 23ന് പോസ്റ്ററുകളെക്കുറിച്ച് വാര്ത്ത പ്രസിദ്ധീകരിച്ചിരുന്നു. കൊച്ചി കേന്ദ്രീകരിച്ച് പുരാവസ്തു ഇടപാടുകള് വ്യാപകമായതിനാല് വിഗ്രഹക്കടത്തുമായി ബന്ധപ്പെട്ട വിവരങ്ങള് അറിയാവുന്ന സംഘങ്ങളാകാം പോസ്റ്ററുകള്ക്ക് പിന്നിലെന്നാണ് സൂചന.
പുരാവസ്തു കടത്തുമായി ബന്ധപ്പെട്ട് വിവിധ സംഘങ്ങള് തമ്മില് കടുത്ത മത്സരം നിലനില്ക്കുന്നതായും ഇന്റലിജന്സ് വിലയിരുത്തുന്നു.
പോസ്റ്ററുകളിലെ ചിത്രം രഹസ്യാന്വേഷണ ഏജന്സികളുടെ കൈവശമുള്ള കുറ്റവാളികളുടെ ഡേറ്റാബേസുകളുമായും കാര്ട്ടൂണ് മാതൃകയിലുള്ള സ്കെച്ചുകളുമായും താരതമ്യം ചെയ്തെങ്കിലും ഇതുവരെ വ്യക്തമായ സാമ്യം കണ്ടെത്താനായിട്ടില്ല.
പോസ്റ്ററുകള് പതിക്കപ്പെട്ട സാഹചര്യങ്ങളും പിന്നിലെ ഉദ്ദേശ്യങ്ങളും വിശദമായി പരിശോധിച്ചു വരികയാണെന്ന് അന്വേഷണ സംഘം അറിയിച്ചു.
ശബരിമലയിലെ സ്വര്ണപ്പാളി കടത്ത് വിവാദത്തിന് പിന്നാലെയാണ് പഞ്ചലോഹ വിഗ്രഹങ്ങള് കടത്തിയെന്ന ആരോപണം ഉയര്ന്നത്.
കോണ്ഗ്രസ് നേതാവ് രമേശ് ചെന്നിത്തലയുടെ ഇടപെടലിനെ തുടര്ന്നാണ് പ്രവാസി വ്യവസായിയുടെ മൊഴി അടിസ്ഥാനമാക്കി കേസ് രജിസ്റ്റര് ചെയ്തത്. ‘മിസ്റ്റര് ഡി’ എന്ന ഇടനിലക്കാരന്റെ യഥാര്ഥ തിരിച്ചറിയല് തുടക്കത്തില് എസ്.ഐ.ടി വെളിപ്പെടുത്തിയിരുന്നില്ല.
ഇന്റലിജന്സ് പരിശോധിക്കുന്ന പ്രധാന ചോദ്യങ്ങള്:
‘Who is Mr. D?’യിലെ ഡി ആരാണ്
ശബരിമല വിഗ്രഹക്കടത്തിലെ മിസ്റ്റര് ഡിയുമായി പോസ്റ്ററുകള്ക്ക് ബന്ധമുണ്ടോ
കൊച്ചിയില് പോസ്റ്ററുകള് പതിച്ചത് ആരുടെ ശ്രദ്ധ നേടാനാണ്
പോസ്റ്ററുകള്ക്ക് പിന്നില് പ്രവര്ത്തിച്ചത് ആരാണ്
English Summary
Intelligence agencies have launched an investigation into mysterious “Who is Mr. D?” graffiti posters that appeared across key locations in Kochi. The posters surfaced soon after allegations emerged linking a person known as “Mr. D” to the smuggling of panchaloha idols from Sabarimala. Authorities suspect the posters are not random and may be connected to rival groups involved in antiquities smuggling. Despite comparing the sketches with criminal databases, no match has been found so far. The investigation continues to identify the motive and individuals behind the posters.
who-is-mr-d-posters-kochi-intelligence-probe
Kochi, WhoIsMrD, Sabarimala, IdolSmuggling, Panchaloha, IntelligenceProbe, GraffitiPosters, KeralaNews
