ഉപ്പിന്റെ അളവാണ് ആഹാരത്തിന്റെ രുചിയെ നിയന്ത്രിക്കുന്നത്. ഉപ്പിന്റെ അളവ് കൂടിയാലും കുറഞ്ഞാലും ആഹാരം കഴിക്കാൻ ബുദ്ധിമുട്ടാകും.What happens to the body when the consumption of salt increases
എന്നാൽ ഉപ്പിന്റെ അളവ് കൂടുന്നത് ഒട്ടേറെ ആരോഗ്യ പ്രശ്‌നങ്ങൾക്ക് വഴിവെക്കുമെന്ന് മുന്നറിയിപ്പ് നൽകുകയാണ് ആരോഗ്യ വിദഗ്ദ്ധർ. ദിവസം അഞ്ച് ഗ്രാമാണ് പരമാവധി ഉപയോഗിക്കാൻ കഴിയുന്ന ഉപ്പിന്റെ അളവ്.
ചിലം ഭക്ഷണങ്ങളിൽ അമിത അളവിൽ ഉപ്പ് അടങ്ങിയിരിക്കുന്നതിനാൽ അവ കഴിച്ചാൽ അനുവദനീയമായതലും അധികം ഉപ്പ് ശരീരത്തിൽ എത്തുകയും ചെയ്യും.
സോസ്, കെച്ചപ്പ്, ഉപ്പുള്ള പശുനെയ്യ് , റോസ്റ്റ് ചെയ്ത നട്ട്‌സ്, ചീസ്, ടിന്നിലടച്ച മാംസം എന്നിവയിലെല്ലാം ഉപ്പ് അധികമായി അടങ്ങിയിരിക്കുന്നു.
അമിതമായ ഉപ്പ് ഉപയോഗം ആമാശയത്തിലെ ആവരണത്തെ ബാധിക്കും. ആമാശയത്തിലെ ക്യാൻസറിനും അമിത ഉപ്പ് ഉപയോഗം കാരണമാകും. ഗ്യാസ്‌ട്രൈറ്റിസ് പോലുള്ള പ്രശ്‌നങ്ങൾക്കും അമിതമായ ഉപ്പ് ഉപയോഗം കാരണമാകും.
