ഓടിക്കൊണ്ടിരിക്കെ സ്വകാര്യ ബസിനു പിന്നിൽ കാർ ഇടിക്കുകയായിരുന്നു
കണ്ണൂര്‍: വിവാഹസംഘം സഞ്ചരിച്ച കാര്‍ ബസിലിടിച്ച് തീപിടിച്ചു. കണ്ണൂര്‍ – കാസര്‍കോട് ദേശീയപാതയില്‍ ജില്ലാ അതിര്‍ത്തിയായ കരിവെള്ളൂര്‍ ഓണക്കുന്നിലാണ് സംഭവം. അപകടത്തിൽ വധുവിനും വരനും ഉൾപ്പെടെ നാലുപേർക്ക് പരിക്കേറ്റു.(Wedding party’s car caught fire: Bride and groom injured)
ഓടിക്കൊണ്ടിരിക്കെ സ്വകാര്യ ബസിനു പിന്നിൽ കാർ ഇടിക്കുകയായിരുന്നു. കാസര്‍കോട് നിന്നും അഞ്ചരക്കണ്ടിയിലേക്ക് പോകുകയായിരുന്ന വിവാഹ സംഘത്തിന്റെ വാഹനമാണ് അപകടത്തില്‍പ്പെട്ടത്. തീപിടുത്തത്തിൽ കാറിന്റെ മുന്‍ഭാഗം കത്തി നശിച്ചു. സ്വകാര്യ ബസിന്റെ പിന്‍ഭാഗത്തും തീപടർന്നു. ഫയർഫോഴ്‌സ് എത്തിയാണ് തീ അണച്ചത്.
അപകടം നടന്നയുടൻ യാത്രക്കാരെ ഇറക്കാനായതിനാല്‍ വന്‍ ദുരന്തമാണ് ഒഴിവായത്. ഷോര്‍ട്ട് സര്‍ക്യുട്ടാണ് അപകട കാരണമെന്നാണ് പ്രാഥമിക നിഗമനം.
