തിരുവനന്തപുരം: കനത്ത മഴ തുടരുന്ന സാഹചര്യത്തിൽ സംസ്ഥാനത്തെ നദികളിലെയും ഡാമുകളിലെയും ജ​ല​നി​ര​പ്പ്​ ഉ​യ​രു​ന്നു. കെഎസ്ഇബിയ്ക്ക് കീഴിലുള്ള ഡാമുകളിൽ നീരൊഴുക്ക് കൂടിയതായി റിപ്പോർട്ട് ചെയ്തിട്ടുണ്ട്. ഇടുക്കിയിൽ ജലനിരപ്പ് 52.81 ശതമാനമായി. (Water levels in rivers and dams in the state are rising; Extreme caution is required)

വ​യ​നാ​ട്​ ബാ​ണാ​സു​ര സാ​ഗ​ർ അ​ണ​ക്കെ​ട്ടി​ലെ ജ​ല​നി​ര​പ്പ്​ 83.26 ​ശ​ത​മാ​ന​മാ​യി ഉയർന്നു. ജ​ല​സേ​ച​ന വ​കു​പ്പി​ന്​ കീ​ഴി​ലു​ള്ള ഡാ​മു​ക​ളി​ലും സം​ഭ​ര​ണ​ശേ​ഷി​യു​ടെ പ​ര​മാ​വ​ധി​യി​ലേ​ക്ക്​ വെ​ള്ള​മെ​ത്തു​ന്ന സാ​ഹ​ച​ര്യ​മാ​ണ്. ഇ​ടു​ക്കി​യി​ലെ ക​ല്ലാ​ർ​കുട്ടി -98.09, ലോ​വ​ർ പെ​രി​യാ​ർ -100, തൃ​ശൂ​ർ പെ​രി​ങ്ങ​ൽ​കു​ത്ത്​ -94.46, മാ​ട്ടു​പ്പെ​ട്ടി -97.48, പ​ത്ത​നം​തി​ട്ട മൂ​ഴി​യാ​ർ -68.71 ശ​ത​മാ​നം എ​ന്നി​ങ്ങ​നെ​യാ​ണ് കൂടിയ ​ജ​ല​നി​ര​പ്പ്. നെ​യ്യാ​ർ, മ​ല​ങ്ക​ര, വാ​ഴാ​നി, പീ​ച്ചി, ശി​രു​വാ​ണി, കാ​ഞ്ഞി​ര​പ്പു​ഴ, മീ​ങ്ക​ര, പോ​ത്തു​ണ്ടി, മം​ഗ​ലം തു​ട​ങ്ങി​യ ഡാ​മു​ക​ളി​ൽ സം​ഭ​ര​ണ​ശേ​ഷി​യു​ടെ 70 ശ​ത​മാ​ന​ത്തി​ന്​ മു​ക​ളി​ലേ​ക്ക്​ ജ​ല​നി​ര​പ്പു​യ​ർ​ന്നിട്ടുണ്ട്.

സം​സ്ഥാ​ന​ത്തെ വി​വി​ധ ന​ദി​ക​ളി​ലെ ജ​ല​നി​ര​പ്പ് അ​പ​ക​ട​ക​ര​മാ​യി ഉ​യ​രു​ന്ന സാ​ഹ​ച​ര്യ​ത്തി​ൽ കേ​ന്ദ്ര ജ​ല കമ്മീഷൻ ജാ​ഗ്ര​താ​നി​ർ​ദേ​ശം ന​ൽ​കി. തീരപ്രദേശത്തോട് ചേർന്ന് താ​മ​സി​ക്കു​ന്ന​വ​ർ ജാ​ഗ്ര​ത നിർദേശം പാ​ലി​ക്ക​ണ​മെ​ന്ന്​ സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി അ​റി​യി​ച്ചു. മൂ​വാ​റ്റു​പു​ഴ​യാ​റി​ലെ ജ​ല​നി​ര​പ്പ് ഉ​യ​ര്‍ന്ന സാ​ഹ​ച​ര്യ​ത്തി​ല്‍ ഇ​ടു​ക്കി ജ​ല​വൈ​ദ്യു​ത പ​ദ്ധ​തി​യി​ലെ ഉ​ൽ​പാ​ദ​നം ക്ര​മീ​ക​രി​ച്ചു. മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ അ​ധ്യ​ക്ഷ​ത​യി​ല്‍ ഓ​ണ്‍ലൈ​നാ​യി ചേ​ർ​ന്ന യോഗത്തിലാണ് നിർദേശം.