വിഴിഞ്ഞം അസ്മാക് റസ്റ്ററന്റിൽ വീണ്ടും ഭക്ഷ്യവിഷബാധ; ജയിൽ ഉദ്യോഗസ്ഥൻ വെന്റിലേറ്ററിൽ
വിഴിഞ്ഞം: വിഴിഞ്ഞത്തെ അസ്മാക് റസ്റ്ററന്റിൽ നിന്ന് മീൻമുട്ട കഴിച്ചതിന് പിന്നാലെ ഗുരുതരമായി അസ്വസ്ഥനായ തൃക്കാക്കര ജയിലിലെ വീവിങ് ഇൻസ്പെക്ടർ എസ്. അരുൺരാജ് ഇപ്പോഴും വെന്റിലേറ്ററിൽ തുടരുന്നു.
ചികിത്സയിൽ കഴിയുന്ന സ്വകാര്യ ആശുപത്രിയിൽ തന്നെ ഇതേ ഭക്ഷണം കഴിച്ച് അസ്വസ്ഥത അനുഭവപ്പെട്ട മറ്റ് രണ്ടുപേരും പ്രവേശിപ്പിച്ചിരിക്കുകയാണ്.
കൂടുതൽ വിദഗ്ധപരിചരണത്തിനായി അരുൺരാജിനെ അക്യൂട്ട് ഐസിയുവിലേക്ക് മാറ്റുമെന്ന് ഡോക്ടർമാർ അറിയിച്ചു.
കഴിഞ്ഞ തിങ്കളാഴ്ച വൈകിട്ട് ഏഴ് മുതൽ പുലർച്ചെ രണ്ട് വരെ റസ്റ്ററന്റിൽ നിന്ന് ഭക്ഷണം കഴിച്ചവർക്കാണ് ആരോഗ്യപ്രശ്നങ്ങൾ റിപ്പോർട്ട് ചെയ്തതെന്ന് അധികൃതർ വ്യക്തമാക്കി.
അസ്വസ്ഥത അനുഭവപ്പെട്ട എല്ലാവർക്കും ഒരേ തരത്തിലുള്ള ലക്ഷണങ്ങളാണുണ്ടായതെന്ന് മെഡിക്കൽ ബോർഡ് റിപ്പോർട്ടിൽ പറയുന്നു.
ഇതേ ഹോട്ടലിൽ നിന്ന് ഭക്ഷണം കഴിച്ച റിട്ട. എസ്ഐ മധുസൂദനനും ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്.
സംഭവത്തിന്റെ ഗുരുതരം കണക്കിലെടുത്ത് മെഡിക്കൽ കോളേജ് സൂപ്രണ്ടിന്റെ നേതൃത്വത്തിൽ അടിയന്തര ചികിത്സാ സൗകര്യങ്ങൾ ഒരുക്കിയിട്ടുണ്ട്.
നടക്കാൻ ബുദ്ധിമുട്ട്, ശ്വാസകോശ മസിലുകളുടെ ശക്തിക്ഷയം, ഇരട്ടക്കാഴ്ച തുടങ്ങിയ ലക്ഷണങ്ങളാണ് ബാധിതരിൽ കണ്ടുവരുന്നത്.
ഭക്ഷ്യവിഷബാധയാണോ മറ്റേതെങ്കിലും ഗുരുതര ആരോഗ്യപ്രശ്നമാണോ എന്നത് കണ്ടെത്താൻ മെഡിക്കൽ ബോർഡിന്റെയും ആരോഗ്യവകുപ്പിന്റെയും അന്വേഷണം പുരോഗമിക്കുകയാണ്.
ഇതേ ഹോട്ടലിൽ നിന്ന് കടൽവിഭവങ്ങൾ കഴിച്ചതിന് പിന്നാലെ കൊല്ലം നിലമേൽ സ്വദേശികളായ രണ്ടുപേർ മരിച്ച സംഭവത്തിന് പിന്നാലെ വീണ്ടും സമാന പരാതികൾ ഉയർന്നതോടെ പ്രദേശവാസികളിൽ ആശങ്ക ഉയർന്നിട്ടുണ്ട്.
English Summary:
A prison weaving inspector remains on ventilator after falling seriously ill allegedly from eating seafood at a Vizhinjam restaurant. Two others who ate there are hospitalized. Authorities are investigating whether it is food poisoning or another serious health issue.
vizhinjam-restaurant-seafood-health-incident
Vizhinjam, Food Poisoning, Kerala Health, Restaurant Incident, Hospital News, Medical Investigation
