വെള്ളാപ്പള്ളി നടേശൻ ഉൾപ്പെടെ നാല് പേരുടെ അയോഗ്യത ഹൈക്കോടതി സ്റ്റേ ചെയ്തു; അന്തിമ വാദം ജൂണിൽ

വെള്ളാപ്പള്ളി നടേശൻ ഉൾപ്പെടെ നാല് പേരുടെ അയോഗ്യത ഹൈക്കോടതി സ്റ്റേ ചെയ്തു; അന്തിമ വാദം ജൂണിൽ

കൊച്ചി: എസ്എൻഡിപി യോഗം ഡയറക്ടർമാരായ വെള്ളാപ്പള്ളി നടേശനും തുഷാർ വെള്ളാപ്പള്ളിയും ഉൾപ്പെടെ നാലുപേരുടെ അയോഗ്യത ഹൈക്കോടതി ഡിവിഷൻ ബെഞ്ച് സ്റ്റേ ചെയ്തു.

എസ്എൻഡിപി യോഗം ഡയറക്ടർമാരായ വെള്ളാപ്പള്ളി നടേശൻ, തുഷാർ വെള്ളാപ്പള്ളി എന്നിവർ ഉൾപ്പെടെ നാലുപേരെ അയോഗ്യരാക്കിയ സിംഗിൾ ബെഞ്ച് ഉത്തരവ് ഹൈക്കോടതി ഡിവിഷൻ ബെഞ്ച് സ്റ്റേ ചെയ്തു. ചീഫ് ജസ്റ്റിസ് അധ്യക്ഷനായ ബെഞ്ചാണ് ഇടക്കാല സ്റ്റേ അനുവദിച്ചത്.

വെള്ളാപ്പള്ളി നടേശന് പുറമേ, എസ്എൻഡിപി പ്രസിഡന്റ് ഡോ. എം.എൻ. സോമൻ, വൈസ് പ്രസിഡന്റ് തുഷാർ വെള്ളാപ്പള്ളി, ദേവസ്വം സെക്രട്ടറി അരയ്ക്കണ്ടി സന്തോഷ് എന്നിവരുടെ അയോഗ്യതയ്ക്കാണ് സ്റ്റേ ലഭിച്ചത്.

സിംഗിൾ ബെഞ്ചിന്റെ മാർച്ച് 12ലെ ഉത്തരവ് നിയമവിരുദ്ധവും അധികാരപരിധി ലംഘിച്ചതുമാണെന്ന് ആരോപിച്ചാണ് വെള്ളാപ്പള്ളിയും തുഷാർ വെള്ളാപ്പള്ളിയും ഹൈക്കോടതിയെ സമീപിച്ചത്. അപ്പീൽ പരിഗണിച്ച ഡിവിഷൻ ബെഞ്ച് എതിർകക്ഷികൾക്ക് നോട്ടിസ് അയച്ചു.

കേസിൽ അന്തിമ വാദം ജൂൺ മാസത്തിൽ നടക്കുമെന്ന് കോടതി അറിയിച്ചു. അതുവരെ അയോഗ്യത ഉത്തരവ് സ്റ്റേ ചെയ്ത നില തുടരും.

English Summary

The Kerala High Court Division Bench has stayed the disqualification of SNDP Yogam directors, including Vellappally Natesan and Thushar Vellappally. The court issued notices to opposing parties and will hear the case in June.