ഭര്ത്താവിനെ മര്ദ്ദിച്ച് കൊലപ്പെടുത്തി മൃതദേഹം മരം മുറിക്കുന്ന യന്ത്രം ഉപയോഗിച്ച് കഷണങ്ങളാക്കി അഴുക്കുചാലില് തള്ളിയത് അവിഹിതം പൊക്കിയതോടെ; ഭാര്യയും കാമുകനും പിടിയില്
ലഖ്നൗ: ഉത്തർപ്രദേശിൽ ഭർത്താവിനെ ക്രൂരമായി കൊലപ്പെടുത്തി മൃതദേഹം മരം മുറിക്കുന്ന യന്ത്രം ഉപയോഗിച്ച് കഷണങ്ങളാക്കി അഴുക്കുചാലിലും നദിയിലും തള്ളിയ സംഭവത്തിൽ ഭാര്യയും കാമുകനും പൊലീസ് പിടിയിലായി.
സംഭൽ ജില്ലയിലെ ചന്ദൗസി മേഖലയിൽ താമസിക്കുന്ന രാഹുൽ (38) എന്നയാളുടെ കൊലപാതകവുമായി ബന്ധപ്പെട്ട് ഭാര്യ റൂബിയെയും കാമുകൻ ഗൗരവിനെയുമാണ് അറസ്റ്റ് ചെയ്തത്.
കേസിൽ നിന്ന് രക്ഷപ്പെടാൻ നവംബർ 18ന് രാഹുലിനെ കാണാനില്ലെന്ന് കാണിച്ച് റൂബി പൊലീസ് സ്റ്റേഷനിൽ പരാതി നൽകിയിരുന്നു.
എന്നാൽ, ഒരു മാസം പിന്നിട്ട ഡിസംബർ 15ന് സമീപപ്രദേശത്തെ അഴുക്കുചാലിൽ നിന്ന് തലയും കൈകാലുകളും ഇല്ലാത്ത നിലയിൽ വികൃതമായ മൃതദേഹം കണ്ടെത്തി.
പരിശോധനയിൽ മൃതദേഹത്തിൽ ‘രാഹുൽ’ എന്ന് എഴുതിയിരുന്നതായി പൊലീസ് കണ്ടെത്തി.
ഇതോടെയാണ് സമീപ പൊലീസ് സ്റ്റേഷനുകളിലെ കാണാതായവരുടെ പരാതികൾ കേന്ദ്രീകരിച്ച് അന്വേഷണം ശക്തമാക്കിയത്.
രാഹുലിന്റെ മൊബൈൽ ഫോൺ നവംബർ 18 മുതൽ സ്വിച്ച് ഓഫ് ആയിരുന്നതായി കണ്ടെത്തിയതോടെയാണ് അന്വേഷണസംഘത്തിന്റെ സംശയം റൂബിയിലേക്ക് തിരിഞ്ഞത്.
വിശദമായ ചോദ്യം ചെയ്യലിൽ, അവിഹിത ബന്ധം രാഹുൽ കൈയോടെ പിടികൂടിയതിനെ തുടർന്ന് കാമുകൻ ഗൗരവിന്റെ സഹായത്തോടെ ഭർത്താവിനെ കൊലപ്പെടുത്തിയതായി റൂബി കുറ്റസമ്മതം നടത്തിയതായി പൊലീസ് അറിയിച്ചു.
ഇരുമ്പ് വടി ഉപയോഗിച്ച് രാഹുലിനെ ആക്രമിച്ചാണ് കൊലപ്പെടുത്തിയതെന്നും തുടർന്ന് ഗ്രൈൻഡർ ഉപയോഗിച്ച് മൃതദേഹം കഷണങ്ങളാക്കിയതാണെന്നും എസ്.പി ബിഷ്ണോയി പറഞ്ഞു.
മൃതദേഹത്തിന്റെ ഒരു ഭാഗം അഴുക്കുചാലിൽ തള്ളിയ പ്രതികൾ, ബാക്കി ഭാഗങ്ങൾ രാജ്ഘട്ടിലേക്ക് കൊണ്ടുപോയി ഗംഗാ നദിയിൽ ഒഴുക്കിയതായും പൊലീസ് വ്യക്തമാക്കി.
മൃതദേഹം മുറിക്കാൻ ഉപയോഗിച്ച ഗ്രൈൻഡറും ആക്രമണത്തിന് ഉപയോഗിച്ച ഇരുമ്പ് വടിയും ഉൾപ്പെടെയുള്ള ഉപകരണങ്ങൾ പൊലീസ് കണ്ടെടുത്തു.
English Summary
In a shocking incident from Uttar Pradesh, a woman and her lover have been arrested for brutally murdering her husband, dismembering his body using a grinder, and disposing of the remains in a drain and the Ganga river. The crime came to light a month after the wife filed a missing complaint, when a mutilated body was discovered, leading police to unravel the gruesome murder.
uttar-pradesh-wife-lover-arrested-husband-murder-dismembered-body
Uttar Pradesh, murder case, crime news, wife arrested, extramarital affair, dismembered body, Indian crime news
