സമൂഹമാധ്യമങ്ങളിൽ വൈറലാകാൻ ട്രെയിൻ എൻജിൻ ബൈക്കിൽ കെട്ടി വലിക്കാൻ ശ്രമിക്കുകയും ഇത് മൊബൈലിൽ പകർത്തുകയും ചെയ്ത യുവാവ് അറസ്റ്റിൽ. ഉത്തർ പ്രദേശിലെ മുസഫർ നഗറിൽ ആണ് സംഭവം. Trying to pull the train engine by tying it to the bike
ദിയോബന്ദ്-റൂർക്കി റെയിൽവേ ലൈനിൽ നടന്ന സംഭവത്തിൽ ദിയോബന്ദിലെ മജോല ഗ്രാമത്തിലെ വിപിൻ കുമാറിനെ പൊലീസ് അറസ്റ്റ് ചെയ്തു.
ട്രെയിൻ എൻജിനിൽ വടം കെട്ടി അത് ബൈക്കിൽ കെട്ടിയ യുവാവ് തുടർന്ന് ബൈക്ക് സ്റ്റാർട്ട് ചെയ്ത് മുന്നോട്ടെടുക്കാൻ ശ്രമിക്കുകയും ചെയ്യുന്നത് ദൃശ്യങ്ങളിലുണ്ട്. ബൈക്കിന് രജിസ്ട്രേഷൻ നമ്പറും ഇല്ലായിരുന്നു.
രജിസ്ട്രേഷൻ നമ്പറില്ലാത്ത ബൈക്കിലാണ് യുവാവ് സ്റ്റണ്ട് നടത്തിയത്. സ്റ്റണ്ട് നടത്തുന്നതിനിടെ യുവാവിന് പരിക്കേറ്റിട്ടുണ്ട്. പൊതുമുതൽ നശിപ്പിച്ചതടക്കം കുറ്റം ചുമത്തി മുസഫർനഗർ ജി.ആർ.പി പൊലീസ് സ്റ്റേഷനിൽ രജിസ്റ്റർ ചെയ്തിരിക്കുന്ന കേസിൽ തുടർ നടപടികളുണ്ടാകുമെന്നു പോലീസ് അറിയിച്ചു.
