തിരുവനന്തപുരം: സംസ്ഥാനത്ത് വീണ്ടും കുതിച്ചുയർന്ന് സ്വർണവില. ഇന്ന് ഒരു പവൻ സ്വർണത്തിന് 760 രൂപയാണ് കുത്തനെ ഉയർന്നത്. ഇതോടെ ഒരു പവൻ സ്വർണത്തിന്റെ വില 63000 കടന്നു. ഒരു പവൻ സ്വർണത്തിന് ഇന്ന് നൽകേണ്ടത് 63240 രൂപയാണ് .
ഒരു ഗ്രാം സ്വർണത്തിന് 95 രൂപയാണ് ഇന്ന് ഉയർന്നത്. 7905 രൂപയാണ് ഒരു ഗ്രാം സ്വർണത്തിന് ഇന്ന് നൽകേണ്ടത്. രണ്ട് ദിവസം കൊണ്ട് 1600 രൂപയുടെ വർധനവാണ് ഒരു പവൻ സ്വർണ്ണ വിലയിൽ ഉണ്ടായത്.
സ്വർണവില ഉയരുന്നതിന് പിന്നിലുള്ള പ്രധാന കാരണം ഭൗമരാഷ്ട്രീയ പ്രശ്നങ്ങളാണ്. ട്രംപിന്റെ നികുതി നയം ആഗോള വ്യാപാര യുദ്ധത്തിന് വഴിവെച്ചേക്കാമെന്നുള്ള ആശങ്കയാണ് സ്വർണവില കുത്തനെ ഉയരാൻ കാരണമായത്.
