പോസ്റ്ററുകള്ക്ക് പിന്നിലെ ലക്ഷ്യം കണ്ടെത്തണമെന്ന് ടി.എന് പ്രതാപന്
തൃശൂര്: തൃശൂരില് തനിക്കെതിരെ പോസ്റ്ററുകള് പ്രത്യക്ഷപ്പെട്ട സംഭവത്തില് കോണ്ഗ്രസ് നേതാവ് ടി.എന് പ്രതാപന് പൊലീസില് പരാതി നല്കി. സംഭവത്തിന് പിന്നിലുള്ളവരെയും അവരുടെ ഉദ്ദേശലക്ഷ്യവും കണ്ടെത്തണമെന്ന് ആവശ്യപ്പെട്ടാണ് പ്രതാപന് തൃശൂര് സിറ്റി പൊലീസ് കമ്മീഷണര്ക്ക് പരാതി നല്കിയിരിക്കുന്നത്.
വ്യക്തിപരമായ വിരോധവും രാഷ്ട്രീയ ആക്രമണവുമാണ് പോസ്റ്ററുകള്ക്ക് പിന്നിലെന്നാണ് പ്രതാപന് പരാതിയില് വ്യക്തമാക്കുന്നത്. സംഭവത്തിന് പിന്നിലുള്ളവരെ കണ്ടെത്തി നടപടി സ്വീകരിക്കണമെന്ന ആവശ്യവും പരാതിയില് ഉന്നയിച്ചിട്ടുണ്ട്.
ഇന്നലെയാണ് തൃശൂരിലെ വിവിധ ഭാഗങ്ങളില് പ്രതാപനെതിരെ രൂക്ഷ വിമര്ശനങ്ങളടങ്ങിയ പോസ്റ്ററുകള് പ്രത്യക്ഷപ്പെട്ടത്. തൃശൂര് പ്രസ് ക്ലബ്ബിന് സമീപവും പൂങ്കുന്നത്തെ മുരളി മന്ദിരത്തിന് സമീപവുമാണ് ഇവ പതിച്ചത്.
പോസ്റ്ററുകളില് പ്രതാപനെതിരെ കടുത്ത ആരോപണങ്ങളാണ് ഉയര്ത്തിയിരിക്കുന്നത്. ‘ലീഡറുടെ കുടുംബത്തെ ചതിച്ച യൂദാസ്’, ‘തൃശൂരില് കോണ്ഗ്രസിന്റെ കാലനാണ് പ്രതാപന്’, ‘ലീഡറുടെ കുടുംബത്തോട് എന്തിനാണ് പക’ തുടങ്ങിയ വാചകങ്ങളാണ് പോസ്റ്ററുകളില് ഉള്പ്പെടുത്തിയിരിക്കുന്നത്.
രണ്ടുപേര് ചേര്ന്നാണ് പോസ്റ്ററുകള് ഒട്ടിച്ചതെന്നാണ് വിവരം. സംഭവവുമായി ബന്ധപ്പെട്ട സിസിടിവി ദൃശ്യങ്ങളും ഇതിനകം പുറത്തുവന്നിട്ടുണ്ട്. ലോക്സഭ തിരഞ്ഞെടുപ്പ് സമയത്തും സമാനമായ രീതിയില് പ്രതാപനെതിരെ പോസ്റ്ററുകള് വ്യാപകമായി പ്രത്യക്ഷപ്പെട്ടിരുന്നു. അന്ന് ഡിസിസി ഓഫീസിന്റെ മതിലുകളിലേക്കും പോസ്റ്ററുകള് പതിച്ചിരുന്നു.
English Summary
Congress leader T.N. Prathapan has filed a complaint with the Thrissur City Police Commissioner after posters criticizing him appeared in various parts of Thrissur. In his complaint, Prathapan alleged that the posters were put up with the intention of personal and political attacks. The posters, which contain harsh allegations against him, were spotted near the Thrissur Press Club and Murali Mandiram in Punkunnam. CCTV visuals of two people putting up the posters have also surfaced. Similar posters had appeared during the Lok Sabha election period as well.
