തൃശൂർ: തൃശൂർ പൂരത്തിനിടെയുണ്ടായ നിയന്ത്രണങ്ങൾക്കെതിരെ പ്രതിഷേധം ശക്തമാക്കുന്നതിനിടെ പോലീസിന്റെ കൂടുതൽ ദൃശ്യങ്ങൾ പുറത്ത്. ആനകൾക്കുള്ള പട്ട കൊണ്ടുവരുന്നതിന്റെയും കുടമാറ്റത്തിനുള്ള കുടകൾ തടയുന്നതിന്റെയും ദൃശ്യങ്ങളാണ് പുറത്തുവന്നത്. തൃശ്ശൂർ സിറ്റി പോലീസ് കമ്മീഷണർ അങ്കിത് അശോകിന്റെ നേതൃത്വത്തിലാണ് പട്ടയും കുടയും കൊണ്ടുവരുന്നവരെ തടഞ്ഞത്. ‘എടുത്തുകൊണ്ടു പോടാ പട്ട’ എന്ന് കമ്മീഷണർ കയർക്കുന്നതും ദൃശ്യങ്ങളിൽ കാണാം.
തിരുവമ്പാടിയുടെ കുടമാറ്റത്തിനുള്ള ശ്രീരാമന്റെ കുട കൊണ്ടുവന്നവരെയും പോലീസ് തടയുന്നത് ദൃശ്യങ്ങളിലുണ്ട്. എന്നാൽ ഒരു പട്ടയോ കുടയോ കൊണ്ട് നിരവധി പേർ അകത്തു കടക്കാൻ ശ്രമിച്ചപ്പോഴാണ് തടഞ്ഞത് എന്നാണ് കമ്മീഷണറുടെ വിശദീകരണം.
